Сизда улкан юрак, метин ирода,

Гоҳ кўкда учгайсиз, гоҳи саҳрода.

Сарҳадни қўриқлаб яёв, пиёда,

Ватаннинг суянч - эл қўрғонлари,

Ўзбекнинг паҳлавон, эй ўғлонлари!

Сергаксиз, ёғийни тутган лочиним,

Қуш тинса тинар, лек сизда йўқ тиним.

Сиз - опам, синглимсиз, акамсиз, иним,

Шерюрак, бургуткўз дил достонлари,

Ўзбекнинг паҳлавон, эй ўғлонлари!

Сиз Амир Темурдан сачраган учқун,

Орингиз ҳар недан ортиқдир, устун.

Тинч ҳаёт аслида байрам сиз учун,

Тинчлик карвонининг зўр сарбонлари,

Ўзбекнинг паҳлавон, эй ўғлонлари!

Дунё қучоғида мизғийди олам,

Бешикда қиқирлар ўғил-қиз - болам.

Садоқат кўксида унган гул - лолам,

Сиз борки, юртимнинг тинч осмонлари,

Ўзбекнинг паҳлавон,эй ўғлонлари.

Бу кун мадҳингизни баралла куйлай,

Сизга тонгдан оппоқ тилаклар тилай,

Бир кун хизматингиз мен ўзим қилай,

Сиз яйранг, Ватаннинг шон - посбонлари,

Ўзбекнинг паҳлавон, мард ўғлонлари!

Шаҳло ҲАМИДОВА, Ўзбекистон Ёзувчилар  уюшмаси аъзоси.

Спорт

Ўзбекистон Республикаси ДХХ чегара қўшинларига қарашли Булоқбоши туманидаги ҳарбий қисм зобит ва аскарлари томонидан ҳудуддаги маҳалла, умумтаълим мактаблари билан ҳамкорликда ёшларни юртга садоқат, ҳарбий бурчга ҳурмат ҳамда ватанпарварлик руҳида тарбиялашга қаратилган кенг кўламли тарғибот ишлари олиб борилмоқда.

Ватанпарварлик ойлиги, қолаверса, Ўзбекистон Республикаси Қуролли  Кучлари ташкил этилганлигининг 33 йиллиги муносабати билан ҳарбий қисм раҳбарияти, туман мактабгача ва мактаб таълими бўлими ҳамкорлигида тумандаги қатор мактаблар ўқувчилари ҳамда ҳарбий хизматчилар жамоалари ўртасида ўтказилган мини футбол мусобақаси ана шу йўналишдаги ишлардан бири бўлди.

Мини футбол мусобақасида 10- синф ўқувчиларидан тузилган "Ватанпарвар", "Лочинлар" ҳамда ҳарбий қисм аскарларининг "Сарҳад қўриқчилари" жамоалари иштирок этиб, ғолиблик учун баҳс олиб боришди.

- Халқ ва армия бирлигини мустаҳкамлаш, ёшларни ватанпарварлик руҳида тарбиялаш, уларнинг ҳарбий касбга бўлган қизиқишларини оширишда турли тадбир ва спорт мусобақаларини ўтказиш яхши самара бермоқда, - дейди ҳарбий қисм зобити, катта лейтенант Бобуржон Олтибоев. - Хусусан, ўқувчиларнинг қишки таътилини мазмунли ўтказишларига кўмаклашиш мақсадида Ватан ҳимоячилари куни олдидан ўтказилган футбол мусобақаси  ёшларда унутилмас таассуротлар қолдирди.

Муросасиз баҳслар асосида ўтган мусобақанинг якуний натижаларига кўра, тумандаги 68- ихтисослашган давлат умумтаълим мактабининг жамоаси 1-ўринни қўлга киритди. Ҳарбийлар жамоаси иккинчи , 55- ИДУМ жамоасига учинчи ўрин насиб этди.

Fолиб ва иштирокчи жамоалар ташкилотчилар томонидан фахрий ёрлиқ, кубок ҳамда эсдалик совғалари билан тақдирландилар.

Бобуржон ОЛТИБОЕВ,

катта лейтенант.

ВидеомулоҚот

Андижон давлат педагогика институтида Ватан ҳимоячилари куни ҳамда Ўзбекистон Республикаси Қуролли Кучлари ташкил этилганлигининг 33 йиллиги олдидан "Аскар оналарини шарафлаймиз" шиори остида видеомулоқот бўлиб ўтди.

Андижон, Тошкент вилоятлари ҳокимликлари, Ёшлар иттифоқи Андижон вилояти кенгаши ҳамда Чегара қўшинлари ҳарбий қисмлари ҳамкорлигида Андижон ва Тошкент вилоятларида ўз йигитлик бурчини ўтаётган аскарлар, ота-оналари иштирокида ўтказилган видеомулоқот уларнинг ҳаётларидаги унутилмас воқеалардан бирига айланди.

Ўзбекистон Республикасининг давлат мадҳияси билан бошланган тадбир  очилишида сўз олган Чегара қўшинлари ҳарбий қисм командири ўринбосари, подполковник Ашурали Акбалаев ва бошқалар барчани яқинлашиб келаётган Ватан ҳимоячилари куни билан муборакбод этиб, она Ватан ҳимояси муқаддас бурч эканлиги, мамлакатимизда мустақил тараққиёт йилларида Ўзбекистон мудофаа қудратини юксалтириш, ҳарбийларнинг хизматни аъло даражада адо этишлари учун зарур шарт-шароитлар яратилганлиги таъкидлади.

Фарзандлари Тошкент вилоятидаги ҳарбий қисмларда хизмат қилаётган ота-оналарга ҳамда Андижонда йигитлик бурчини ўтаётган ҳарбий аскарларга  ота-оналари билан мулоқот қилиш, дийдорлашиш имконини берган тадбир ҳаёжонли лаҳзаларга бой бўлди.  

- Ушбу видеомулоқот ҳақиқатдан ҳам аскарлар ва уларнинг ота-оналарига чексиз қувонч, ўзгача сурур бағишлади, - дейди Чегара қўшинлари ҳарбий қисм зобити, подполковник Ашурали Акбалаев. - Тошкент вилоятида ўз йигитлик бурчини ўтаётган фарзанди билан бевосита мулоқот андижонлик ота-оналарнинг кўнглига хотиржамлик, ёруғлик бахш этди.

Мулоқот жараёнида оналар ўз фарзандларининг ҳарбий хизматдаги ҳаёти, уларга яратиб берилган шароитлар ҳақида фарзандлари билан бевосита суҳбатлашди, дил сўзлари, байрам тилакларини изҳор этдилар.

- Ўғлим Раҳматулло болалигидан ҳарбий бўлишни жуда-жуда истар эди, - дейди Шаҳрихон туманидаги Ёшлар маҳалласида яшовчи Муножатхон Рустамова. - Ниятлари амалга ошиб аскар бўлди. Тошкент вилоятида туриб видеомулоқотда қатнашган ўғлимни ҳарбий либосда кўриб, беихтиёр тўлқинланиб кетдим. Фарзандим Ватан ҳимоячиси эканлигидан қалбим қувончга тўлди.

Жамолиддин Мирзааҳмедов Тошкент вилоятининг Ўрта Чирчиқ туманидан Андижонга келиб, чегара қўшинлари ҳарбий қисмида йигитлик бурчини ўтамоқда. У ота-онаси билан видеосуҳбатда хизматни аъло даражада якунлаб, ёнларига ёруғ юз билан боришга, келажакда юртига фидойи, ота-онасига раҳматлар келтирадиган муносиб фарзанд бўлишга ваъда берди.  

- Тўнғич фарзандим Аброрбек ҳарбий хизматга кетгунга қадар "Ватанпарвар" ташкилотида от спорти билан шуғулланган, - дейди онаси Дилнозахон Қўчқорова. - Бугун у юртимиз сарҳадларини қўриқлаётган, Ватан ҳимоячиси эканлигидан чексиз қувонаман, фахрланаман. Барча оналарга фарзандлари камолидан, уларнинг ютуқларидан ҳамиша қувониб, фахрланиб яшашлик бахтини тилайман.  

Шундан сўнг Жалақудуқ тумани Аҳилқўрғон маҳалласида яшовчи Бахтиёржон ва Раҳимахон Турсуновлар Тошкент вилоятида йигитлик бурчини ўтаётган фарзанди Беҳрузбек билан мулоқотда бўлишди.

Жоним дада, меҳрибон дада,

Камтар, сўзи ҳикматим, дада,

Қайда бўлмай сизга талпиниб,

Сизни яхши кўраман, дада.

Ушбу сатрлар билан бошланган ҳарбий хизматчи Беҳрузбек Турсунов ижросидаги қўшиқ видеомулоқотда иштирок этаётган барча ота-оналар қалбини тўлқинлантирди, оналар кўзларига қувонч ёшларини олди.

Юртдошларимиз, айниқса, ёшлар қалбида тинч-осойишта ҳаётга шукроналик, ҳарбий бурчга ҳурмат ва садоқат, шунингдек, Ватанга муҳаббат туйғуларини мустаҳкамлашга хизмат қилган ушбу тадбирда ҳарбийлар ва уларнинг ота-оналарига эҳтиром кўрсатилди, ташаккурнома ва совға-саломлар улашилди.

Фахриддин ИБАЙДУЛЛАЕВ

Андижон туманида доимий яшаб, 2022 йил 17 декабрь куни вафот этган, марҳум АХМАДАЛИЕВ ЗАФАРЖОН КАСИМАХУНОВИЧнинг мулкларига нисбатан мерос иши очилган. Шу сабабли унинг меросхўрлари марҳумдан қолган мулклардан мерос тариқасида ўзларига ўтиши мумкин бўлган ҳиссаларни расмийлаштириш ёки воз кечиши ҳақида ёзма ариза бериш учун 1 (бир) ой муддат ичида Андижон туманида (Андижон тумани, Дархон МФЙ, Истеъдод кўчаси, нотариус Расулов Нодирбек) хусусий амалиёт билан шуғулланувчи нотариал идорага шахсини тасдиқловчи ҳужжатлар билан мурожаат қилишлари мумкинлиги билдирилади

Ўзбекистон Республикаси Вазирлар Маҳкамасининг 2025 йил 19 апрелдаги “Айрим турдаги товарларни божхона чегараси орқали олиб ўтиш тартибини янада такомиллаштириш чора-тадбирлари тўғрисида”ги 244-сонли қарори мамлакатнинг ташқи иқтисодий фаолиятида янги босқични бошлади. Мазкур қарор Президентнинг PF-67-сонли фармонига асосланган ҳолда қабул қилиниб, божхона орқали олиб ўтиладиган товарлар бўйича амалдаги қоидаларни қайта кўриб чиқиш ва модернизация қилишга қаратилган.

Янги меъёрларнинг асосий мазмуни

Қарор 2025 йил 1 майдан амалга киритилган бўлиб, у жисмоний шахслар томонидан товарларни божхона чегараси орқали олиб ўтишдаги нормалар ва қоидаларни янгилашни назарда тутади.

1. Божсиз олиб кириш нормалари

Янги тартибда жисмоний шахслар томонидан нотижорат мақсадларда олиб кириладиган товарлар учун транспорт турлари бўйича божсиз олиб кириш меъёрлари қайта кўриб чиқилди:

№  Транспорт тури                                  Илгариги меъёр (PQ-3512)                                Янги меъёр (VM-244)

1  Ҳаво транспорти (аэропорт)                     2,000 АҚШ доллари                                    1,000 АҚШ доллари

2  Темир йўл ва дарё транспорти                  1,000 АҚШ доллари                                   500 АҚШ доллари

3  Автомобил ва пиёда ўтиш пунктлари      300 АҚШ доллари                                      300 АҚШ доллари

4  Халқаро курьерлик жўнатмалари            1,000 доллар (чоракда)                              200 доллар (ойда)

5  Халқаро почта жўнатмалари                    100 доллар                                                   100 доллар

Бу меъёрлар тижорат товарларини нотижорат ниқоби остида олиб кириш ҳолатларининг олдини олишга хизмат қилади.

2. Айрим товарлар учун миқдорий чекловлар

Қарорнинг иловаларида божсиз олиб кириш мумкин бўлган товарлар учун аниқ миқдорий чекловлар белгиланган:

Алкогол маҳсулотлари: 2 литр (шу жумладан пиво)

Тамаки маҳсулотлари: 200 дона сигарет, 5 дона сигара, 100 гр тамаки

Атир ва парфюмерия: 3 дона (умумий 300 мл)

Биологик фаол қўшимчалар: 10 флакон суюқлик, 0.5 кг кукун, 100 дона таблетка ёки капсула

Заргарлик буюмлари: 65 граммгача (олтин, кумуш ва бошқалар)

3. Божхона ҳудудидан олиб чиқишдаги чекловлар

Қуйидаги товарлар учун экспорт миқдори белгиланган:

Товар номи               Экспорт миқдори

Гуруч                                 3 кг

Нон-булка                         5 кг

Гўшт маҳсулотлари         2 кг

Янги сабзавот/мева        40 кг

Шакар                              2 кг

Ўсимлик ёғи                    2 кг

Халқаро амалиёт билан солиштирма таҳлил

Халқаро тажрибага назар ташласак, Европа Иттифоқи мамлакатларида спиртли ичимликлар учун 1–4 литр, сигаретлар учун 200–800 донагача чегара белгиланган. Марказий Осиё мамлакатларида эса спиртли ичимликлар 1–3 литр, сигаретлар 200–400 дона оралиғида бўлиб, Ўзбекистондаги янги меъёрлар мазкур амалиётга мос келади.

Авиа транспорт орқали олиб киришда:

Европа: ўртача 555 доллар

Америка: ўртача 500 доллар

Марказий Осиё: аниқ кўрсатилмаган

Қуруқлик орқали олиб киришда:

Европа: 360 доллар

Америка: 550 доллар

Океания: 630 доллар

Африка: 1430 доллар

Марказий Осиё: 1650 доллар

Хулоса

Ўзбекистонда қабул қилинган ВМ-244-сонли қарор халқаро стандартларга мослаштирилган бўлиб, товарларни чегара орқали олиб ўтиш тартибини шаффофлаштириш ва тизимлаштиришда муҳим қадам ҳисобланади. Қарор нафақат жисмоний шахсларнинг шахсий эҳтиёжлари учун мўлжалланган олиб кириш/чиқариш амалиётини, балки ноқонуний тижорат фаолиятини чеклашни ҳам кўзда тутади.

Янги тартиб, ички бозорни ҳимоя қилиш, божхона назоратини кучайтириш ҳамда давлат иқтисодий манфаатларини таъминлашда муҳим ҳуқуқий асос бўлиб хизмат қилади. Чекловлардан ҳабардор бўлиш ва уларга риоя этиш ҳар бир фуқаронинг масъулияти сифатида қаралиши лозим.

 Мухаммадқодир УМАРОВ,

Андижон вилояти божхона бошқармаси "Асака" Тиф  божхона  пости катта инспектори.

«Ўзбекистон Чернобилчилари» Ассоциацияси Андижон шаҳар бўлинмаси бўлинма ҳисоб рақамига 2025-йил 3-июнь куни «ЭЛЛАДА СТРОЙ ЛЮКС» хусусий корхонаси томонидан  500 000 (Беш юз минг) сўм хомийлик тўлови ўтказилганлигини маьлум қилади.

Ўзбекистон Чернобилчилар ассоциацияси

Андижон шаҳар бўлими.

«Ўзбекистон Чернобилчилари» Ассоциацияси Андижон шаҳар бўлинмаси бўлинма ҳисоб рақамига 2025-йил 21-май куни «ВEST STEKLO MASTER» МЧЖ  томонидан  500 000 (Беш юз минг) сўм хомийлик тўлови ўтказилганлигини маьлум қилади.

Ўзбекистон Чернобилчилар ассоциацияси

Андижон шаҳар бўлими.

Hayot bizga ba’zida og‘ir sinovlar yuboradi. Bu sinovlar ichida OITS (Orttirilgan immunitet tanqisligi sindromi) ham bor, u ko‘pchilik uchun xavotirli va yurakni siquvchi kasallik bo‘lib tuyuladi. Ammo tarixda shunday insonlar bo‘lganki, ular bu tashxisdan cho‘chimay, hayotini mazmunli va maqsadli o‘tkazgan, millionlab odamlarga motivatsiya bo‘lishga ulgurgan. Ularning hayoti nafaqat OITS bilan yashayotganlar, balki boshqa har qanday kasallikka chalinganlar uchun ham saboq va umid manbai bo‘la oladi.

Freddi Merkuri – San’at orqali abadiylikka yetgan yurak

Freddi Merkuri — britaniyalik mashhur “Queen” guruhining asoschisi va bosh solisti, musiqa tarixidagi eng kuchli vokalistlardan biri. 1991-yil 24-noyabr kuni OITS asoratlari tufayli vafot etgan. U kasalligini hayotining oxirgi yillarida ommaga oshkor qilgan va bu orqali OITS haqida ochiq gapirish madaniyatini rivojlantirishga katta hissa qo‘shgan.

Freddi so‘nggi kunlarigacha musiqa yaratishda davom etdi. Uning “The Show Must Go On” qo‘shig‘i — bu kurash, chidam va ijodiy fidoyilik timsolidir. Freddi Merkuri o‘zining ishonchi, irodasi va iste’dodi bilan, kasallikdan kuchliroq bo‘lgan inson sifatida esda qolgan.

Magic Johnson – Kasallikdan kuch topgan sportchi

Ervin “Magic” Johnson — amerikalik basketbolchi, NBA tarixidagi eng buyuk o‘yinchilardan biri. 1991-yilda uning OIVga chalingani aniqlangach, u jamoatchilikka bu haqda ochiq e’lon qildi. Bu qarori orqali OITS bilan bog‘liq stereotiplar va kamsitishlarga qarshi kurash boshlanishiga sabab bo‘ldi.

U faol sport hayotini yakunlagach, OITSga qarshi kurashda faoliyat yurituvchi fond ochdi. Johnson sog‘lom turmush tarzini targ‘ib qilish, test topshirish va profilaktikani kuchaytirish yo‘nalishida ishlamoqda. U kasallikni yengib, sog‘lom va faol hayot kechirish mumkinligini butun dunyoga isbotladi.

 Charlz Shin – Ochiqlik orqali yengilgan qo‘rquv

Amerikalik aktyor Charlz Shin 2015-yilda OIV tashxisini ommaga e’lon qilgan. Bu qaror unga juda qiyin tushgan bo‘lsa-da, u ijtimoiy bosimdan cho‘chimadi. Shin ommaga ochiq chiqish qilgach, OITSga chalingan odamlarga nisbatan ko‘plab noto‘g‘ri qarashlarga barham berishga yordam berdi.

U sog‘lig‘ini nazorat qilishda davom etmoqda va davolanish orqali virusni bostirish holatiga erishgan. Shin o‘z chiqishlarida doimiy ravishda ruhiy holat va psixologik yordamning ahamiyatini ta’kidlaydi. Bu esa kasallikni nafaqat jismoniy, balki ruhiy jihatdan ham yengish mumkinligini ko‘rsatadi.

Charlize Theron – OITSga qarshi ijtimoiy kurash yetakchisi

Janubiy Afrikalik aktrisa Charlize Theron OITS bilan kurashda ijtimoiy faoliyati bilan ajralib turadi. U Charlize Theron Africa Outreach Project nomli jamg‘armasini tashkil qilgan bo‘lib, u orqali Janubiy Afrika yoshlari o‘rtasida sog‘lom turmush tarzini targ‘ib qiladi.

Theron jamiyatda OITS haqida to‘g‘ri bilimlar yetkazish, stigma va diskriminatsiyaga barham berish, va bemorlarni qo‘llab-quvvatlashga qaratilgan ko‘plab loyihalarni amalga oshirgan. U shunday deydi: “Muhim narsa — kasallik bilan yashayotganlarni emas, kasallikni o‘zi yengishdir.”

Yuqoridagilardan xulosa o`ilib aytish mumkinki,  umid bor joyda hayot davom etadi.

OITS — bu og‘ir tashxis. Ammo u umidning oxiri emas. Yuqoridagi insonlar bizga shuni isbotlaydi: insonning irodasi, sevgisi va orzulari kasallikdan ham kuchli bo‘lishi mumkin. Agar siz yoki yaqinlaringiz qandaydir kasallik bilan kurashayotgan bo‘lsa, biling: siz yolg‘iz emassiz. Har qanday dardga qarshi kurashda eng muhim narsa — bu ichki kuch va hayotga bo‘lgan ishonchdir.

Hayot hali oldinda. Bu hayotni to‘liq yashash sizning huquqingiz.

Oysha YO’LBARSOVA,

O’zbekiston davlat jahon tillari universiteti Xalqaro jurnalistika fakulteti 4- bosqich talabasi.  

Mulohaza

Taʼlim muassasalarida oʻqish yakuniga yetmoqda. Bu esa bitiruvchilar uchun hayotlaridagi muhim tadbir - bitiruv bayrami yaqinlashmoqda degani. Bu sana nafaqat oʻquvchining, balki ota-ona va ustozlarning ham hayajonli kunidir. Bu kunda yillar davomida orttirilgan bilim, mehnat va xotiralar yakun topadi. Bunday kun albatta nishonlanishi kerak , lekin qanday shaklda ?

Soʻnggi yillarda bitiruv kechalarining mazmuni oʻzgarib borayotgani kuzatilmoqda. Avvalgi samimiy va mehrli bayramlar oʻrnini tobora dabdabali, isrofgarchilikka toʻla, koʻrgazmali tadbirlar egallab oldi. Bu ayrim hollarda ota-onalarning ortiqcha harajat qilishiga , ayrim oʻquvchilarning esa oʻzini chetda his qilishiga sabab boʻlyapti. Qimmatbaho liboslar, hashamatli mashinalar, sanʼatkorlar ishtirokidagi tadbirlar baʼzan goʻzal bayram emas, balki kim oʻzarga , maqtanchoqlikka aylanib boryapti.

Bitiruvning asl mohiyati ustozga rahmat, ota-onaga ehtirom, doʻstlar bilan xayrlashuv va hayot sari dadil qadam tashlash edi-ku ! Bitiruv bayramlari tarbiyaviy jihatdan boy, mazmunan chuqur boʻlishi kerak. Bu kunda oʻquvchilar oʻz bilimlarini, iqtidorini, ijodiy salohiyatini namoyish etib jamiyat oldida masʼuliyatli yoshlar ekanini koʻrsatishlari muhimdir. Samimiy soʻzlar , ijodiy chiqishlar, ustoz va ota-onalarga minnatdorlik bildiruvchi sahnalar bayramni esda qolarli qilib oʻtkazishga yordam beradi. Bitiruvni esda qolarli tarzda nishonlash uchun katta mablagʻ emas yurakdan chiqqan mehr va ehtirom yetarli. Har kimning sharoiti turlicha , lekin yurakdagi samimiyat, koʻngildagi hurmat teng. Katta hayotga qadam bosayotgan  yoshlar uchun bu kecha xotiralarda oʻchmas iz qoldirishi kerak.

Bayram dabdabasi bilan emas balki mazmuni bilan qadrlidir.

Dilfuzaxon Tursunboyeva

Oʻzbekiston Jurnalistika va Ommaviy kommunikatsiyalar universiteti Jurnalistika fakulteti 3- bosqich talabasi.

Ҳуқуқшунос минбари

Ўзбекистон Республикасида амалга оширилаётган ислоҳотлар жараёнида суд-ҳуқуқ тизимини такомиллаштириш, айниқса, маъмурий судлар фаолиятини очиқ ва шаффоф этиш, жамиятда коррупцияга қарши қатъий кураш олиб бориш долзарб вазифалардан бирига айланди. Маъмурий судлар фуқаролар ва тадбиркорлик субъектларининг давлат органлари ҳамда мансабдор шахслар билан муносабатларидаги ҳуқуқ ва манфаатларини ҳимоя қилувчи муҳим тузилма сифатида фаолият юритмоқда.

Коррупция маъмурий муносабатларда қонунийликка, холисликка ва адолат тамойилларига жиддий зиён етказади. Бу иллат фуқароларнинг давлат органларига ишончини пасайтиради, ҳуқуқий ечимлардан қониқиш даражасини туширади ва иқтисодий ривожланишга ҳам салбий таъсир кўрсатади.

Шу боис, Ўзбекистон Республикаси қонунчилигида, қолаверса, Президентимиз томонидан белгилаб берилган вазифалар доирасида маъмурий судлар зиммасига катта масъулият юкланмоқда. Ана шундан келиб чиқиб, соҳа ходимлари коррупция ҳолатларига имкон бермаслик, давлат идораларининг фаолияти устидан самарали суд назоратини амалга ошириш, қонун устуворлигини таъминлаш жароаёнларида фаол ва самарали иш олиб бормоқда.

Таҳлилларга кўра, маъмурий судлар томонидан давлат органлари қарорлари, ҳаракатлари ёки ҳаракатсизлиги устидан кўриб чиқилаётган ишларнинг сони ва кўлами ортиб бормоқда. Бу эса фуқаролар ва тадбиркорларнинг ҳуқуқий онги ва фаоллиги юксалиб бораётганлигини англатади.

Коррупцияга қарши кураш нафақат жазо воситаларини қўллаш, балки тизимли профилактика, очиқлик ва жавобгарликни таъминлашни ҳам ўз ичига олади.

Маълумки, Ўзбекистонда коррупцияга қарши курашиш давлат сиёсатининг устувор йўналишларидан бирига айланган. Жорий йил 5 март куни бўлиб ўтган Коррупцияга қарши курашиш миллий кенгаши йиғилишида Президентимиз Шавкат Мирзиёев «Коррупция ислоҳотлар йўлидаги энг катта тўсиқ ва ғовдир» эканлигини таъкидлаб, бу борадаги муҳим вазифаларни белгилаб берди. Яъни:

- Қонунчиликни такомиллаштириш;

 - Очиқлик ва шаффофликни таъминлаш, жамоатчилик муҳокамаси, ОАВ ролиини ошири;

- давлат харидларини рақамлаштириш, тендерлар очиқлиги таъминлаш;

- мансабдор шахсларнинг масъулиятини ошириш;

- ёш авлодни ҳалоллик руҳида тарбиялаш, мактаб ва олийгоҳларда ҳалоллик дарсларини ўтиш сингари қатор йўналимшларда муҳим вазифаларни берди.

Маъмурий судлар ҳам ана шу вазифаларни бажаришда фаол иштирок этиб, қонун устуворлигини таъминлаш, фуқаролар ишончини мустаҳкамлаш ва адолатли жамият қуриш йўлида самарали иш олиб боради.

Аҳмадулло ИСВҚУЛОВ,

Андижон вилояти Маъмурий судининг судьяси.