(17 – сон)

аёл – мўъжиза

Бу дунёда нималар бўлмайди, инсон бошига қандай ишлар  тушмайди, дейсиз. Ҳаёт нақадар тотли, бол мисоли ширин. Ҳаёт нақадар бешафқат, инсон ҳаётини тўфон сингари барбод этади. Бу дунёда ҳар бир киши синовда бўлади.

Синовларда синалаётган инсонлар қалбида эзгу ният бўлса,  зулмат кунлар ўтиб, дориломон кунлар келиши аниқ. Фақат интилиш, сабр билан дўст тутинмоқ керак эканлигини ўзим яқиндан билган Саида исмли юртдошимиз ҳаёти мисолида янада теранроқ англаб етдим.

Сабрни, ёруқлик сари интилишни ўзининг дўсти, деб билиб, бахтли кунларга етиб яшаётган бу аёлнинг ҳаёт йўли ҳар бир киши учун ибрат бўлади.

... Бешафқат ҳаёт уни тақдирнинг не кўчасига солмади, барига сабр-тоқат, матонат билан бардош берди.  Ёш Саида оила ташвиши нелигини билмасдан яшарди. Турмуш ўртоқи Мираброр яхши ишлагани, кўп даромад топгани боис рўзқори бут эди. Ўқли Бахтиёр эндигина икки ёшда. Оилада уруш-жанжал йўқ, эр-хотин бир-бирларини ардоқлаб, тотувлик билан ҳаёт кечирарди.

Бир куни Мираброр эрта тонгдан ишга отланди. Нонушта тайёрлаётган Саидани, эрталабки насибани ташлаб кетманг, деган сўзларига ҳам қарамай ишга йўл олди. Кун кеч бўлди. Лекин Мираброр уйга қайтмади. Ташвишланиб, дарвозасидан кўчага чиқиб улгурмаган Саида шум хабарни эшитиб, карахт ҳолда қотиб қолди. Турмуш ўртоқи уйга қайтаётганида автоҳалокатда халок бўлибди. Бу мусибат ёш Саида учун кутилмаган зарба бўлди.

...Турмуш ўртоқини марака-маросимларини ўтказди, йиқиб қўйган пуллари ҳам тугади. Эндигина оёққа тураётган оила қийналиб қолди. Яқинлари, таниш-билишлар: ёшсан, турмушга чиқ, деб маслаҳат беришди. Аммо у турмуш ўртоқини бир умр ёдидан чиқармасликка, ўқлига ўзга инсонни оталик қилишига йўл қўймасликка аҳд қилган эди.

Оиласининг суянчи, хазинабони бўлган турмуш ўртоқи энди йўқ. Оилани тебратиш Саиданинг гарданида қолди. Қийинчилик, турли маломатлар ичида қолган ёш жувон мактабга фаррош бўлиб ишга кирди. Беш йил давомида мактабда ишлади. Бу орада ўқли ҳам 7 ёшга тўлди. Бу даврда не-не уқубатлар, қийинчиликлдарни кўрмади дейсиз.

Фарзанди улқайган сари унга кетадиган харажат ҳам кўпайди. Ҳар ойда иш ҳаққи қачон берилар экан, дея кутадиган бўлиб қолган Саида уйида ейишга бир тўрқам ҳам нон қолмаган кунлари ҳаётга келганидан, бундай синовлардан  ўксиб йиқлар эди. Тунлари ёлқиз бу аёлни қам-андуҳ ўз гирдобига тортиб олар.

Бу ҳолатни тасаввур қилар эканман қамгинлик мени қуршаб олди. Бечора аёлни синовлар ўз домига тортаётгани, ҳаёти янада чигаллашиб кетаётгани, минг уриниб, чиранса-да етишмовчиликнинг олдини ололмаётгани ҳар бир одамни қамга толдиради. Саида кечаю кундуз пул топиш учун қийналиб ишлар эди. Тунлари ширинлик пишириб эртасига бозорга олиб бориб сотар эди. Бир куни ўқли ёнига келиб, онажон менга костюм-шим олиб беринг, биринчи синфдаги костюмим кичкина келиб қолди, деганида кўзларига жиққа ёш тўлди. Агар отанг ҳаёт бўлганида бундай аҳволга тушмаган бўлар эдик. Майли болажоним, сен учун ҳаётнинг барча синовларига тайёрман, дея Бахтиёрни бақрига босди.

Иш пайти. Ўқиш тамом бўлган. Ўчитувчилардан ташқари мактабда ҳеч ким қолмаган эди. Ўқитувчилар хонасини тозалаётган Саида икки ўқитувчининг суҳбатини беихтиёр эшитиб қолди. Улар давлатимиз томонидан оилавий тадбиркорлик билан шгуқулланиш учун одамларга кредит ажратилаётгани ҳақида гаплашишар эди. Буни эшитган Саидада ҳам қандолатчилик йўналишида тадбиркорлик билан шуқулланиш фикри туқилди. Бу борада унинг уқуви, малакаси бор. Тоқалари уйларида шу иш билан шуқулланарди. Болалигида уларга кўп ёрдам берган, анча-мунча нарсаларни ўрганиб олган эди.

Саида ниятини рўёбга чиқариш учун асдойдил ҳаракатга тушди. Зарур ҳужжатларни тайёрлаб, маҳалла кўмагида банкдан имтиёзли кредит олди ва иш бошлади. Эзгу ният ва астойдил бошланган иш кўп ўтмай ўз самарасини берди. У дастлаб, уйидаги бир хонада цех ташкил этиб, икки уч нафар қиз билан иш бошлаган бўлса, икки йил ўтиб, цехни анча кенгайтирди, ишловчилар сони ҳам ўн нафардан ортиб кетди. Бу ерда тайёрланаётган қандолат маҳсулотлари бозордаги энг харидоргир маҳсулотлар қаторидан ўрин олди.

Шу тариқа  Саиданинг ҳаёти яхшиланди. Хаш-паш дегунча вақт ҳам ўтди. Ўқли Бахтиёр олий ўқув юртига ўқишга кирди. Моддий муҳтожликдан қийналаётган оиланинг ҳаёти давлатимиз томонидан берилган кўмак туфайли яхшиланди. Саида қўлидаги ҳунари, давлатимизнинг берган ёрдами, сабр ва матонати, меҳнаткашлиги туфайли шундай даражаларга эришди.

Ҳаёт энди Саида учун қуёш мисоли ўзгача чарақлаб, нур сочади. Ҳаётнинг оқир синовларидан ўтган Саиданинг қалбида эртанги кунга умид, таскин, баҳтиёрликни кўриш мумкин.

Хулосани ўзингиз чиқаринг. Инсон ҳар қандай вазиятда ҳам ўзлигини асло йўқотмаслиги, тўқри йўлдан адашмаслик учун ҳаракат қилиши лозим экан. Қалбида эзгу ният, шижоат ва интилиш бўлган инсон албатта ҳаётда ўз йўлини топа олишига, ўз ўрнига эга бўлишига Саиданинг ҳаёти ибрат ва ёрқин бир мисолдир.

 

              Садоқат СОЛИЖОНОВА,

 

Жалақудуқ тумани.

(17 – сон)

Ҳаёт - ибрат мактаби

Инсон қайси даврда, қандай шароитда ҳаёт кечирмасин, у ҳамиша меҳр-муҳаббатга муҳтождир. Агар инсонлар бир-бирларига меҳр-муҳаббат туйқуларини улашмаса, ҳаёт гўёки қоронқуликка чўмилгандек туюлади.

Сизларга ҳавола қилаётган қуйидаги кичик ҳикояларда биз тилга олган туйқу ҳақида сўз боради. Ҳаётий воқеалардан иборат мазкур ҳикоячалар барчага ибрат бўлади, деб умид қиламиз.

Ёшим 24 да. Укамники 10 да. Бир неча ой олдин пархез қилишни бошладим, анча нозиклашиб қолдим. Яқинда ойнанинг олдида ўзимга қараб турсам, укам оёқим тагида айланиб қолди. Уни четга итариб дедим: "Эй, қара қандай гўзал опанг бор". У бўлса менга нима дейди денг: "Биласизми, сиз бир грамм ҳам озмагансиз". Мени жаҳлим чиқишини кутиб туриб яна давом этди: "Сиз мен учун доимо гўзал ва нозик бўлгансиз".

***

Бўйдоқ вақтим уйда овқат пиширмай, кўчада,  тамаддихонада тайёр овқатланардим. Сабаби овқат пишира олмаслигим эмас, балки ёқли ва овқатдан кейин идишларни ювишни ёқтирмаслигим эди. Шу ишни қилишга ҳеч асабим чидамайди. Уйландим! Энди у мендан идишларни ювиб қўйишимни сўраса, жимгина юваман. Юваман-у жаҳлим чиқади. Қанчалик асабийлашишимга қарамай, қозонларни топ-тоза қилиб юваман. Чунки унга бўлган муҳаббатим ювиқсиз идишларга бўлган     нафратимдан кучлилик қилади.

***

Шаҳримизда бир бобо яшайди. Уни бир қари ити бор. Жудаям қари. Унинг панжалари касал, умуман юра олмайди. Баҳор келиб, кунлар исиши билан чол итини кўтариб олиб, соатлаб кўчада сайр қилади. Ити катта бўлишига қарамай, чол уни қўлидан қўймайди. Ит қандай содиқлик нигоҳи билан чолга қарашини кўрсангиз эди… У чолнинг қўлларини ялайди. Уларни кўрсам хафа бўлиб кетаман. Шу қариган чолдай меҳрли инсон бормикин бу дунёда?!

***

Болалигимнинг кўп вақтини онамнинг ишхонасида, онкология  марказида ўтказганман. У ердаги воқеалардан хотирамда 17 ёшли қиз ва унинг севгани қолган. Қиз остеосаркома билан оқриган бўлиб, бир нечта операцияни бошдан кечирган эди. Натижада унинг чап оёқини тиззасидан тепа қисмидан олиб ташлашди.

Бир кун уни кўргани севган йигити келганида қиз уларнинг ажрашиши кераклигини, йигитининг бахтига тўқаноқ бўлмаслигини айтди. Йигит бўлса у ҳамма нарсага чидашини ва қиз у учун дунёда ягона эканлигини айтди.

 

Яқинда мен уларни учратиб қолдим. Қиз шим кийиб олган, оёқи протез. У мустақил ўша йигит билан бирга келарди. Улар билан яна икки болакай ҳам бор эди. Суҳбатлашиб турганимизда, гапга унинг 6 ёшли катта ўқли қўшилди ва мақрурланиб, унинг онаси дунёдаги энг зўр оналигини айтди. Гўё у Терминатор эмиш…

(17 – сон)

руҳшУнос тавсияси

Ҳар бир инсон ўз мақсадлари йўлидаги қийинчиликлар билан чархланади. Айтайлик, гўдак юришни мақсад қилди. Қараса, ҳамма туряпти, юряпти. У секин-аста эмаклаб, йиқилиб, барибир қадам босиб, юриб кетади. Гўдак қийинчиликлар ҳақида ўйламайди. Фақат юришга ҳаракат қилади ва юриб кетади.

Унинг қалбига юриш фикри қаердан келди? Бу - табиат қонуни.

Қизларимиз гўзал, латофатли. Улар севишни ва севилишни, бахтли бўлишни, оила қуришни, севган ёри уни кўкларга кўтаришини хоҳлайди. Шундай ҳам бўлади. Қизлар турмуш қуради. Она бўлиш истаги пайдо бўлади. Мақсадлар кучаяди. Аммо орзулари йўлидаги қийинчиликларни енгиб ўтиш ҳамиша ҳам осон кечмайди.

У ўзини бахтсиздек ҳис қилади. Майда-чуйда  гап-сўзлар бошланади.

У нимани унутди?

У табиат қонунларини, ўз вазифасини бекаму кўст бажаришни, ўзини ва атрофидагиларнинг кимлигини унутди. Ўзи инсон ким? Инсон ўрни келганда адашувчи, ҳато қилувчи, хафа бўлувчи, қувонувчи мавжудот. Табиатан инсонга ана шундай сифатларр берилган экан буни инсоннинг ўзи англаши, идрок этиши лозим.

Инсон бахтли бўлишни хоҳлар экан зиммасидаги бурч ва вазифаларини бажаришга ҳаракат қилиши керак.

Қизлар шуни унутмасинларки, у севимли, вафодор, латофатли ёр бўлиш билан бирга,  у - келин.  Келинлик вазифасини тўлақонли бажаришга мажбур.

У - она. У она бўлишдек буюк масъулиятни бўйнига олади.

У - бека, у - овсин, у - ўқитувчи, шифокор...

Унинг лавозимлари билан бирга масъулиятлари ҳам ортиб боради.

У зиммасидаги вазифаларни бажара олмаса, унга бўлган танбеҳлар кўпаяверади.

Келин нима учун атрофдагиларни ёмон кўриб қолади? Чунки улар келинга хатоларини кўрсатадилар.

Агар ҳар бир инсон ўзини инсонлигини, у адашувчи, хато қилувчи эканлигини англаб олганида эди, хатолар осонгини кечирилар, ортиқча гап-сўзларга ўрин қолмасди.  Руҳшунос олимлар, дин уламолари томонидан ким кечиримли бўлса, унинг бахтли онлари шунча кўп бўлади, деган қатъий хулосага аллақачон келинган.

Бақрикенглик нима?

Бақрикенглик ўзининг, айниқса, ўзгалар хатосини кечира билишликдир. Инсон аввало, ўзининг хатосини тан олса ва кечира билса, ички сиқилишлар, юрак хуружларига мубтало бўлмайди.  Ички сиқилишлар бўлмаса, атрофдагиларнинг хатоларини ҳам кечириб юборади. Кечиримлилик бор жойда тинчлик, хотиржамлик бўлади. Тинчлик-хотиржамлик бор жойда барака, меҳр-муҳаббат кўпаяди. Меҳр-муҳаббатли инсонлар соқлом ва мазмунли ҳаёт кечирадилар.

Эр-хотин икки жинс вакиллари табиатан уларга севиш, ардоқлаш, ҳурмат қилиш инъоми берилган. Тушуниш эса, бошқа нарса. Эр-хотиннинг бир-бирларини тушуниши эса, уларнинг билим доираси, дунёқарашига боқлиқ. Эр-хотин бир-бирларини ҳурмат қилиши, севиши, ардоқлаши ва тушуниши оилавий ҳаётнинг энг муҳим жиҳати ҳисобланади.

Ана шуларни меъёрида бажара олган жуфтлар албатта, атрофидагилар билан тўқри муносабатни шакллантира олади,    бахтли яшайди. Ушбу қоида фақат келинларгагина эмас, ҳурматли қайноналар, қайин опа-сингиллар, қайин ака-укалар учун ҳам тааллуқлидир.

Азизлар, инсонга бир маротаба бериладиган ҳаётда ҳаммавақт бақрикенг, тўқрисўз, ҳалол ва пок бўлайлик. Аввало, ўз хатоларимизни тан олиб, ўзимизни кечирайлик, кейин атрофдагилар учун ҳам кечиримли бўлайлик.

Зотан, ҳаётга кулиб, шукроналик билан қарасак, ундан фақат бахт, хурсандчиликлар оламиз.

Азиз куёвлик шарифига муяссар бўлган йигитларимиз! Ёнингиздаги жуфтингиз - гулингизни севинг, ардоқланг, ҳурмат қилинг. Келин сиз борлигингиз учун сизнинг уйингизда. У Сизнинг боқингизда гуллаб-яшнаши учун кўмак беринг, шундагина боқингиз - хонадонингиз янада обод бўлади. Агар Сиз меҳр берсангиз, одил ва эътиборли  бўлсангиз, оилангизда ҳамиша тинчлик ва бахт ҳукм суради.

 

Махфузахон АЛИМОВА,

 

 психолог.

(17 – сон)

Шеърият гулшани

 

Сени ҳайрат каби суяман, баҳор

Кўм-кўк далаларда улғаяр шодлик,

Боғларда кўксимга қуйилар изҳор.

Жилғадек беозор қўшиқлар учун,

Сени ҳайрат каби суяман, баҳор.

 

Ялпизлар чорлайди салтанатига,

Бойчечак кўксига бош қўйган диёр.

Илк шеърим туғилган табассумингдан,

Сени қисмат каби суяман, баҳор.

 

Ватан тупроғида ризқ-у насиба,

Сабзалар бўйида марварид – тумор.

Бундай назокатнинг қиёси борми?!

Сени жаннат каби суяман, баҳор.

Гулчеҳра ДАВИДОВА,

Балиқчи тумани.

 

Барчага тинчлик керак

Менга ёруғ дунёда,

Кибр-у ҳаво керакмас.

Соғлик ва тинчлик керак,

Бошқа савдо керакмас.

 

Омон бўлсин фарзандлар,

Улар учун яшайман.

Ёр-у дўстларим бисёр,

Фақат  бахтлар тилайман.

 

Дейман барча инсонлар,

Ахил яшасалар, бас.

Барчага тинчлик керак,

Жанжал, низо керакмас.

Кимсаной НИШОНОВА,

Шаҳрихон тумани.

СУМАЛАК

Юлдузли тунда,

Қайнар сумалак.

Атрофида кўпчилик,

Юракда орзу, тилак.

 

Дошқозонни момолар,

Меҳр билан ковлайди.

Қувнашиб шўх болалар,

Қийқиришиб ўйнайди.

 

Сумалакжон, сумалак,

Олиб келдинг сен қувонч.

Ушалар орзуларимиз,

Шунинг учун юртим тинч.

Шукрона ЖЎРАХОЛДАРОВА,

Андижон шаҳридаги 37-умумтаълим мактаби ўқувчиси.

 

СОҒИНЧ

Шаҳарнинг шовқини доимий одат,

Ўрганиб ҳам қолди икки қулоғим.

Мени ҳам соғиниб кутарми баъзан,

Олисларда қолган гўзал қишлоғим.

 

Ўша йўл, кенг дала, катта анҳорлар,

Соғинчи юракни қўяр шошириб.

Болалагим ўтган бу лой кўчалар,

Умримни сув каби кетар оқизиб.

 

Шошаман, манзилим – ота уйимни,

Кўрмоқ илинжида ташланар қадам.

Соғинчдан инсонлар ўлмайди, лекин

Соғинчдан юксалиб боради одам.

 

Ўз уйим, руҳим-чи топган ҳаловат,

Шамоллар йўқотинг келган изимни.

Онажон, меҳрингни соғиниб кетдим,

Ота, бағрингга бос эрка қизингни.

Нигора САЛОҲИДДИНОВА,

Андижон саноат ва транспорт касб-ҳунар коллежи ўқитувчиси.

 

 

ОНА ТУПРОҒИМ

Тупроғингни суртай кўзимга,

Асрай сени бўлиб мардона.

Қиёсингни нега ўхшатай,

Сен оламда якка-ягона.

 

Сувларингдан ичай тўйиниб,

Бағрингда яшайман суюниб.

Қайга борсам мени асрайсан,

Онам каби юрдинг куйиниб.

 

Боғларингда қушлар сайрайди,

Озодликдан дили яйрайди.

Эркин қушдек бу фарзандларинг,

Улар сира дардни билмайди.

 

Хизматингда бўлайин, Ватан,

Дилимдаги ўчмас чироғим.

Сийм-у зарга алишмам сени,

Ўзинг менинг она тупроғим.

Бегзод СОБИРОВ,

Андижон туманидаги 36-ДИМИ ўқувчиси.

                  

ХУШ КЕЛДИНГ, БАҲОР

Яна сочим силар майин шаббода, 

Яна тўлиб оқар бу жўшқин анҳор.

Далангда ўсмоқда халқнинг ризқ-рўзи,

Ноз-у карашманг-ла хуш келдинг, Баҳор.

 

Юртимнинг кўркига кўрк қўшиб бугун,

Лапарлар айтилар, янграр яллалар.

Варраклар учади мовий самода,

Ижод ўчоғига аста ўт қалар.

 

Қаранг, эшик қоқиб келаяпти бахт,

Сенсиз асли бу кун, бу дунё ҳам тор.

Тоғларга ёнбошлаб лолалар айтсин, 

Қалбим меҳробига хуш келдинг, баҳор.

Меҳринигор ТЎХТАСИНОВА,

Марҳамат агросаноат касб-ҳунар коллежи ўқувчиси.

 

АЁЛ

Хонадон файзидир, оила қувончи,

Меҳрда тенгсиз, фарзанд суянчи.

У назар солган жой мисли бир жаннат,

Доим яхшиликка қилар ибодат.

 

Шерюрак ўғлоннинг онаси – аёл,

Муқаддас Ватанга бўлади тимсол.

Сабр, матонатда тенгсиз, ягона,

Ҳам суюкли, ҳам буюкдир аёл.

Холидахон ЮНУСОВА,

Жалақудуқ саноат ва транспорт коллежи ўқувчиси.

 

ОНАЖОН

Қадоқ қўли билан бошимни силар,

Тангридан мен учун бахт, омад тилар,

Дилида иймони шукурда бўлар,

Дуолар қилади меҳрибон онам.

 

Ҳаёт эгса мағрур қаддимни,

Тушунмаса дўстим дардимни,

У билади менинг қадримни,

Дуолар қилади меҳрибон онам.

 

Бор-у йўғин фарзандига дер,

Ўзин эмас менинг ғамим ер,

“Тангрим ўзинг унга умр бер”,

Дуолар қилгувчи меҳрибон онам.

 

Улғайиб мен сизга суянч бўлай,

Қалбингиздан дард, ғамни аритай,

Сизни бахтга ўзим еткизай,

Дуолар қилгувчи меҳрибон онам.

Машҳура СУЛТОНОВА, Булоқбоши тумани.

 

ОТАЖОН

Армонлар ханжари қалбимга ботиб,

Оғриқлар зарбидан чекканимда оҳ,

Махзун юрагимда умид уйғотиб,

Беминнат меҳрингиз бўлади паноҳ.

                     

Таскин изласам гар дардкаш ўзингиз,

Юпатгувчим сизсиз, қалқоним менинг.

Ҳаётим маъноси ҳар бир сўзингиз,

Дунёда бебаҳо отамсиз менинг.

 

Болалик кунларим ёдимда ҳамон,

Энг бахтли онларим сиз билан ўтди,

Умр дафтаримнинг сарлавхасига,

Исмингизни зархал ҳарф-ла битдим.

 

Онам билан узоқ умр кўринг, илойим,

Сизлар борки, завққ тўлар ҳар оним.

Бахтимизга сизлар омон бўлсангиз, бас,

Шунда юрагимда бўлмас армоним.

Марҳабо АКБАРАЛИЕВА, Асака тумани. 

 

“Юр, муҳаббат кетдик бу ердан”

Муҳаммад ЮСУФ.

Бугун эрта сахарда турдим,

Сочларимни майдалаб ўрдим.

Хаёллар қалбга бермайди тўзим,

Юр, муҳаббат кетдик бу ердан.

 

Эй, савлати келишган, гулгун,

Дардим бисёр, қалбда бор тугун,

Севги интиҳосин англадим бугун,

Юр, муҳаббат кетдик бу ердан.

 

Майсаларнинг кўкарган лаби,

Оғир келди тақдир талаби,

Биз ҳам шоир Муҳаммад каби,

Юр, муҳаббат кетдик бу ердан.

Гулноза ҲОШИМОВА,

Андижон шаҳри.

ОНА

Юзларингиз ажинлар босиб, 

Қиров қўнди сочларингизга.

Кеча-кундуз дуолар қилиб,

Бахт тиладингиз ўғилу қизга.

 

Меҳнат қилиб тиним билмасиз,

Фарзанд учун берасиз жонни.

Ахир бизни деб ўтди умрингиз,

Шу дедингиз ҳаётим мазмуни.

 

Тўйиб емадингиз бизларни ўйлаб,

Киймадингиз, кийсин деб болам.

Таърифга кам ташбеҳлар минглаб,  

Сиздай буюк зотни тополмас одам.

 

Нозик эрур меҳр тўла қалбингиз,

Чиндан-да қирқ жонингиз бордир.

Биламан, Сиз улуғлардан улуғсиз,

Сизни билмаганни эртаси йўқдир.

Беҳзод КАРИМ,

АДУ талабаси.

 

САЛОМ ВА ХАЙР

Салом, хайр икки оғиз сўз,

Умр бўйи бир эрмак бўлди.

Борлигингиз эди менга бахт,

Аммо юрак хувиллаб қолди.

 

Самолар жим ҳудди биз каби,

Атрофимиз гўёки сассиз.

Севгини чин билмаган бизлар,

Бутун умр яшабмиз ҳиссиз.

 

Ўйлар эдим севаман сизни,

Бирор далил ёки асоссиз.

Ўз-ўзимни алдаб қўйибман,

Юрак ожиз қолибди эссиз.

 

Яна бир кун биз иккимизни,

Учраштирса қодир бу Худо,

Мен айтаман иккита сўзни,

Аввал салом, сўнгра алвидо.

Сетора МУҲАММАДЖОНОВА,

Пахтаобод тумани.

АРМОН

Юрагимнинг тубида ажиб,

Унсиз товуш нола қилади.

Таъқиб қилиб бутун вужудим,

Дилим пора-пора тилади.

 

Узулгандек қалбим торлари,

Куйсиз қўшиқ яна куйлайди.

Бера олмай уларга бардош,

Кипригимга ёшлар илади.

 

Сўзлай десам тилим бормайди,

Кўзларимдан ёшим тинмайди.

Қалб тубидан чиқиб бир нидо,

Армонларим беради садо.

ОЙГУЛ

 

 

МАҲАЛЛАМНИНГ ҚИЗЛАРИ

Кўзларида ҳаёси бор,

Йўлларида шайдоси зор,

Дилида йўқ ҳеч ғубор.

Маҳалламнинг қизлари.

 

Анора, Ойдин қизлар,

Қош-кўзларин пардозлар,

Кексаларни эъзозлар,

Маҳалламнинг қизлари.

 

Ҳовли-уйи озода,

Қўли ширин пазанда,

Пари-пайкал, хонзода,

Маҳалламнинг қизлари.

 

Бири қўли гул чевар,

Бири ундиради зар,

Юлдуздек чақнаб турар,

Маҳалламнинг қизлари.

 

Ёр-ёр келсин бахт билан,

Келсин тилло-тахт билан,

Узатайлик ахд билан,

Маҳалламнинг қизларин.

Темурбек ШОХОБОВ,

Избоскан тумани.

 

 

МУҲАББАТ

Ҳар дилда бор муҳаббат,

Кўнгилга ёр муҳаббат.

Севгини рад этса ким,

Берар озор муҳаббат.

 

Гул тутқазар қўлингга,

Бахт тўшайди йўлингга.

Гоҳи сарсона этар,

Гоҳи қувонч бахш этар.

 

Меҳмон шоҳ-у гадога,

Қулоқ сол бу нидога,

Чин севги бир Худога,

Асли виждон муҳаббат.

 

Меҳр бергин отангга,

Ҳамда азиз онангга,

Содиқ бўл оилангга,

Шудир гўзал муҳаббат.

Баҳодир УСМОНОВ.

 

 

Тушларимга киргин бир бора

Тушларимга киргин бир бора,

Ўша тунда тонглар отмасин,

Ҳижронингга йўқ ўзга чора,

Кўз ўнгимдан чеҳранг кетмасин.

 

Тушларимга киргин бир бора,

Айтай дилим изҳорларини.

Қайтаролсанг  қанийди, зора

Сен умримнинг баҳорларини.

 

Тушларимга кирсанг бир бора,

Самодаги қушга ўхшардим.

Мени десанг очиқ, ошкора,

Пойинг узра жоним тўшардим.

Насибахон КАРИМОВА,

Балиқчи тумани.

 

 

 (17 – сон)

Ёхуд ёшларимизни интернетдаги ёлғон ваъдалардан, ёт ғоялар таъсиридан ҳимоялай оляпмизми?

“Улар билан интернетда танишиб қолдим. Менга чет элда ҳам ўқиб, ҳам ишлашни таклиф қилишди. “Хорижда ўқиб, ишласанг кўп пул топасан, ота-онангга ҳам пул жўнатиб турасан” дейишди. Аввалига ишонмадим. Кейин улар мени интернет орқали танишиб, ўзларининг ёрдами билан чет элда ишлаётган, ўқиётган бир қанча ёшлар билан таништиришди. Уларга жуда ҳавасим келди. Мен ҳам чет элда ишлашни, ўқишни, кўп пул топишни, ота-онамга ёрдам беришни жуда истагандим. Аммо...”

 

Бу Андижон шаҳрида яшовчи Асқар (исми ўзгартирилган) исмли ёш йигитнинг пушаймонлик сўзлари. У “одноклассники.ру” сайти орқали бегона одамлар билан танишиб қолган. Унга хорижда ўқиш ва ишлаш таклифини билдирган кимсалар аслида содда ва ишонувчан ёшларни турли ваъдаларга ишонтириб, йўлдан адаштирадиганлар бўлиб чиқди. Асқар ота-онасининг гапига қулоқ солмай, хорижга кетди. У ерга бориб, ўқишни, ишлашни ваъда қилган кишилар томонидан турли жинойи йўллар билан пул топишга мажбур этилишини кўриб, уларнинг жиноий тўда эканлигини, асл башаралари қандай эканлигини билди.

   Айни кунда кўплаб ёшлар бўш вақтларини интернетда, хусусан, турли ижтимоий тармоқларда ўтказишмоқда. Ижтимоий тармоқларда кўплар янги-янги дўстлар орттирмоқда, кимлардир узоқдаги ўз яқинлари билан мулоқотда бўлишмоқда. Бунинг нимаси ёмон дерсиз? Тўғри, гўё бунинг ёмон томони йўқдай. Аммо, интернет тармоқларида тарқатилаётган турли маълумотлар, рекламалар борки, улар алдов ва ғаразли мақсадларга йўналтирилган. Жумладан,  жинойи тўдаларнинг юқоридаги каби таклифлари ҳам борки, ана шундай алдовларга ёшларимиз осонгина ишониб қолмоқда. Улар томонидан тақдим этилаётган турли сўровнома ва анкеталарни тўлдираётган ёшларимиз уларни кимлигини билмай, сўраб-суриштимасдан таклифларига рози бўлишаётганлиги ўта ташвишлидир. 

Қора ниятдаги гуруҳлар мутасаддилари анкетага киритилган маълумотлар орқали жисмонан соғлом, бақувват, қўлидан иш келадиган, энг муҳими ўзларига маъқул, берилган топшириқни бажара оладиган ишонувчан ёшларни осонгина аниқлаб, ўз таъсирига туширишга уринмоқда. 

 “Однокласники.ру” сайти ҳозирги куннинг энг глобаллашган ва оммалашган сайтларидан бири сифатида ёшларни ўзига “михлаб” олаётгани ҳеч кимга сир эмас. Турли тоифадаги ғараз ниятли кимсалар сайтдан ўзларининг жирканч мақсадлари йўлида фойдаланаётгани ҳам бор гап. Бунинг аянчли ва хатарли томони шундаки, диний экстремистик ҳаракатлар ва турли тоифадаги ақидапараст оқимлар ўзларининг жирканч  ғоя ва мақсадларини шу йўл орқали оммага тарқатишга уринмоқда. Бу ёшларимиз тарбияси, онги ва мафкурасини издан чиқарадиган энг катта хавф эканлигини ҳар биримиз чуқур англаб олишимиз, айниқса, ана шу хавфдан фарзандларимизни асраб-авайлашимиз жуда муҳимдир.

 Дунёнинг турли жойларида яширин равишда фаолият олиб бораётган турли оқимлар, секталар, жинойи гуруҳлар мавжудки, улар дунёқараши ҳаминқадар, билим ва тушунчаси тор, маънавияти заиф ёшларни, ҳаттоки ёши катталарни ҳам ўз домига тотмоқда. Буни ана шундай гуруҳларнинг сахта ваъда ва алдовларга ишониб, хорижда бўлиб қайтган юртдошимиз Сардорнинг мисолида ҳам кўришимиз мумкин.

Сохта ваъдаларга ишониб, сиртдан олий ўқув юртида ўқиб, ишлаб, пул топиш мақсадида хорижга борган Асқар ва у сингари бир неча йигит маълум муддат шаҳар четидаги бир уйда яшадилар. Уларнинг паспортларини ҳужжатларни расмийлаштирамиз деб олиб қўйишди. Емоқ-ичмоқ, спиртли ичимликлар тўкиб ташлашди, ҳатто фохишалар уларнинг хизматида бўлишди. Яна зарур бўлганда ўзингизни ҳимоя қиласиз, деб махсус кишилар томонидан жанг қилиш санъати ўргатилди. Уларнинг ҳар бир ҳаракати видеотавирга олинаётганлигини афсуски улар билмас эдилар.

 Орадан бир ойлар ўтиб, муносабат бутунлай ўзгарди. Ётоқ, озиқ-овқат, кўрсатилаётган хизматлар учун ҳар бир йигитнинг бўйнига минг доллардан  қарз илинди. Энди бу қарзни узиш учун ишлаш кераклигини айтишди. Қочиб кетиш учун уларнинг қўлида ҳужжатлари йўқ. Ишлашга рози бўлишди. Бироқ улар қиладиган иш ўғирлик, талончилик эди. Бундан бўйин товлаганлар алоҳида хоналарга олиб кириб жазоланди. Уларнинг бир ой давомидаги шоҳона ҳаётлари, айшу ишратлари, жанг санъатини  ўзлаштиршлари тасвирланган видеолавҳаларни кўрсатиб, интернет орқали тарқатиб юборишни, террорчи сифатида полиция маҳкамасига топшириб юборишларини айтиб қўрқитишди. Шармандаликдан, қилмаган жинояти учун қамоққа тушишдан қўрққанларидан уларнинг шартига кўнишга мажбур бўлдилар.

“Овга” чиққан биринчи кунларидаёқ Асқар тўдадан қочиб, полиция маҳкамасига борди. Бор гапни айтиб, жинойи тўда ҳақида маҳаллий полицияни огоҳлантирди.  Полиция тўдани қўлга олиш мақсадида зудлик билан ҳаракат қилди. Лекин улар яшаётган уйни тинтув қилишганида жинойи тўда қочиб бўлган, шериклари эса ўлар ҳолатда калтакланган, хушсиз ётардилар. Уларнинг паспортлари афсуски топилмади. Йигитлар бир неча кун даволанганларидан сўнг, юртимизга депортация қилинди. Шу тариқа ўқиш ва пул топиш мақсадидаги сафар якунига етди.

Асқар қилган бу ишидан қаттиқ пушаймон бўлди, ота-онаси олдида уятга қолди. Паспортини йўқотиб келганлиги учун эса ҳуқуқ-тартибот идоралари томонидан унга нисбатан тегишли чоралар кўрилди.

- Мен ўзим танимаган, билмаган одамларнинг сахта ваъдаларига ишониб, қийин кунларни бошимдан ўтказдим, ота-онам, яқинларим олдида уятга қолдим, - дейди Асқар биз билан суҳбатда. – Яна биздан қанчалар олисда бўлса-да, мени алдаган, жиноят кўчасига бошлаган кишилар томонидан менинг турли ҳолатлардаги суратларим, видеотасвирларни интернетга жойлаб қўймасмиканлар деган хадик ич-этимни кемириб ташлади. Ҳеч кимга қулоқ солмай, кучимга ишониб қилган бу ишимдан қаттиқ пушаймонман. Тенгдошларимга интернетдаги, айниқса, хориждаги ўқиш, иш ҳақидаги ҳамма маълумотларга ҳам ишониб бўлмаслигини айтган бўлардим. Чунки буни мен бошимдан ўтказдим.

 

Бу воқеадан ҳар қандай киши, айниқса, интернетдан фойдаланишга, ундаги кўплаб маълумотлар билан танишишга иштиёқманд ёшлар ўзиларига тегишли хулоса чиқариб олиши лозим.

 

Бундай ҳолатларнинг олдини олиш учун нималар қилишимиз керак? Авввало, интернет тармоқларида диний‑ақидапарастлик, терроризм ғояларини ёйиш, “оммавий маданият” кўринишларини ёшлар онгига сингдириш, уларнинг турмуш тарзига айлантиришга бўлаётган уринишларга асло бефарқ қарамаслигимиз керак. Қолаверса, ёшларимизни ёт ғоялар таъсирига тушиб қолмасликлари, юқоридаги каби алдовларга кўр-кўрона эргашмасликлари учун уларнинг билим ва тафаккурини бойитиш, интернет маълумотларидан ўринли фойдалана билиш кўникмасини шакллантиришга алоҳида эътибор қаратишимиз лозим. Ёшларимизда ёт ғояларга, иллатларга қарши маънавий иммунитет, тушунча шаклланмас экан, ахборот хуружлари хавфидан асло қутила олмаймиз.

Бу борада ижобий натижага эришиш учун нафақат, ҳуқуқ-тартибот идоралари, ёшлар билан ишловчи ташкилотлар, балки кенг жамоатчилик ҳамкорликда иш олиб бориши, хусусан, тушунтириш ва тарғибот ишларини кучайтириш лозим.  Айниқса, маҳаллалардаги, ҳар бир оиладаги ижтимоий-маънавий муҳитни яхшилаш, ота-онанинг фарзанд тарбиясига бўлган эътиборини ошириш лозим. Ёшларимиз эътиборсиз, назоратсиз қолмасин.

Таҳлиллар ёшлар иштирокидаги жиноят ва ҳуқуқбузарликларнинг аксарияти бекор қолган ёшлар томонидан содир этилаётганлигини кўрсатмоқда. Шу боис ҳам уларнинг бўш вақтларини мазмунли ташкил этиш масаласига ҳам алоҳида эътибор қаратишни тақазо этади.

Ахборот хуружлари кучайиб бораётган бугунги кунда огоҳ ва хушёрликни унутмайлик. Биринчи Президентимизнинг “Ғояга қарши ғоя, фикрга қарши фикр, жаҳолатга қарши маърифат билан курашиш керак” деган сўзлари бизга дастуриламал бўлсин. Бу борада эътиборсизлик ёки зарур чораларни кўрмаслик ёшларимиз тарбиясининг издан чиқишига, йиллар давомида тузатиб бўлмайдиган оғир оқибатларга олиб келиши мумкинлигини унутмаслигимиз керак.

Фахриддин ИБАЙДУЛЛАЕВ

                        (17 – сон)

  Хотира ва Қадрлаш куни олдидан

Болалигимдан китоб мутолаасига шу кадар иштиёқим баланд эдики, Алифбе китобини тугатиб, ҳарфларни эндигина таниган пайтларимдаёқ мактабимиз кутубхонасигага серқатнов эдим. Бир куни З. М. Бобур номли вилоят ахборот кутубхона марказига келдим. Кутубхонага аъзо бўлдиму нимагадир 2-каватга югуриб чиқдим. Биринчи учраган кутубхоначи опадан

- Менга шеърий китоб берсангиз, - дея шошилиб сўрадим.

Кутубхоначи опа:

- Кимнинг шеърий китобини берай, - деди.

Мен бўлса энг яхшисини дедим. Опа кулди-да, қўлимга Муҳаммад Юсуф исмли шоирнинг китобини тутқазди. У пайтда мен Муҳаммад Юсуфни танимас эдим. Аммо шоирнинг содда, таъсирли шеьрларини ўқиб, у билан хаёлан танишдим. Муҳаммад Юсуф менинг энг севимли шоирим бўлиб қолди. Ҳар гал унинг гўзал мисраларини ўқиганимда, мурғак қалбимда адабиётга, шеъриятга бўлган меҳр, қизиқиш ортиб борар эди.

Шу тариқа менда ижод қилишга, шеъриятга меҳр уйғонган. Улғайиб, мен ҳам албатта, ижодкор, шоира бўламан, деб ният қилганман.

Кичик ҳикоялар, шеърлар машқ қилиб тураман. Ёзганларимни устозларимга кўрсатиб, маслаҳатларини оламан. Бу борада ўқиб, ўрганишдан ҳеч тўхтаганим йўқ. Келажакда адабиёт фани ўқитувчиси бўлишни ўз олдимга мақсад қилиб қўйганман.

Севимли шоири вафот этганини эшитганимда  аввал ишонмади. Лекин ҳақиқат эканлигини билганимда бир неча кун хафа бўлиб, қайғуда юрдим. Унинг хотирасига атаб, шеърлар ёздим.

 

                            Сиз энг яхши шоирсиз             

Марҳаматда қолгандир изларингиз,

Сизни қўмсар жажжи шогирдларингиз,

Юрагимдан ўчмас асло шеьрларингиз,

Ҳар кун соғинаверар Андижонингиз,

Ҳамма билсин, Сиз энг яхши шоирсиз.

 

Боғларни, гулларни дилда севдингиз,

Юртга меҳр бериб, шеьрлар ёздингиз,

Сиздан кейин сўлди-ку лолажонингиз,

Ҳар кун соғинаверар Андижонингиз,

Ҳамма билсин, Сиз энг яхши шоирсиз.

 

Ҳар йили айниқса, шоирнинг таваллуд куни муносабати билан унинг хотирасига шеър, қатра ёки мактуб ёзишни ўзиига одат қилиб олганман. Ҳар йили кўкламда ана шу ишни бажармасам, гўё ўзимни айбдордай, шогирдлик вазифамни бажармагандай ҳис этаман. Чунки у мен учун нафақат дунёдаги энг яхши шоир, балки камтар, покдил ва мехрибон инсон сифатида ҳам онг-шууримдан мустаҳкам жой олган. Бу йил ҳам одатимга содиқ қолиб, шоирга нома ёздим.

Муҳаммад Юсуфга мактуб

Ассалому алайкум, менинг гойибона устозим! Сиз ижодим илҳомчиси, туйғуларимга сув тутгувчи чашма, шеъриятда менга йўл кўрсатгувчи нур, қуёшсиз. Жажжи ва беғуборо қалбимга ижод илҳомини берган китобларингизни ҳар куни ўқийман, ҳар куни ўзим учун ниманидир кашф этгандай бўламан.

Узун тунларда эса шеърий мисраларингиз орқали сиз билан узоқ суҳбат қураман. Орзу-умидларим ҳақида тўлиб-тошиб гапириб бераман. Сиз эса жимгина тинглаб, “Ниятларинг ижобат бўлсин” деб тилаклар билдирасиз. Менга маслаҳатлар бериб, “йўлларинг нурли ва ойдин бўлсин, қизим” дея оқ йўл тилайсиз.

Сиз мен ёқтирган энг яхши шоир бўлганингиздай, сиз ёқтирган лолақизғалдоқлар менинг энг севимли гулларимга айланган. Борлигингизга, ижод илҳомини қалбимга солганингиз учун раҳмат, устоз. Мен Сиздай устозим бўлганлиги, халқимиз эса Муҳаммад Юсуфдай шоири борлиги билан фахрланади.

Менинг қадрдон устозим! Бугун юртимизда мен каби ижодкор ёшларга ўқиб ўрганиш, изланиш, ўз истеъдодларини намоён этиш учун кенг имкониятлар эшиги очиб берилган. Ана шу имкониятларда фойдаланиб, мен ҳам Сиздек элнинг суюкли шоираси бўлсам, изингиздан юрсам, дейман. Бу йўлда мени, мен каби барча ижодкор қизларингизни руҳингиз қўлласин. Охиротингиз обод бўлсин.

Моҳларой КАРИМОВА, 

 

АДУ қошидаги 5-сон академик лицей ўқувчиси.

(17 – сон)

Андижон вилояти Қўрғонтепа туманида “Оила – маънавият булоғи”  мавзусида давра суҳбати бўлиб ўтди.

Ўзбекистон Республикаси Президентининг жорий йил 12 январдаги “Китоб маҳсулотлари чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойиши ижросини таъминлаш мақсадида Тадбиркорлар ва ишбилармонлар ҳаракати - Ўзбекистон либерал-демократик партияси томонидан амалга оширилаётган “Дурдона” маърифий лойиҳаси асосида партиянинг Андижон вилоят кенгаши ҳамда қатор ташкилотлар ҳамкорлигида ташкил этилган мазкур тадбирда халқ депутатлари вилоят, туман кенгашлари депутатлари, партия ва маҳалла фуқаролар йиғинлари фаоллари, З. М. Бобур номли вилоят ахборот кутубхона маркази мутахассислари ҳамда ёшлар иштирок этди.

 Оилаларда, айниқса, ёшлар ва аёллар ўртасида халқимизнинг бой маданий мероси, миллий қадрият ва анъаналарини кенг тарғиб қилиш, хусусан, китоб ва китоб мутолаасига бўлган қизиқишни кучайтириш, китобхонлик даражаси ва маънавиятини юксалтириш орқали юртдошларимизни эзгу ва хайрли ишларга сафарбар этиш, маънавий-маърифий ишлар самарадорлигини юқори босқичга кўтариш, оилалардаги маънавий муҳит барқарорлигини мустаҳкамлашга қаратилган ушбу тадбирда юртбошимиз фармойишнинг мазмуни ва аҳамияти, инсон камолоти ва маънавиятининг юксалишида китобнинг ўрни ва роли, китоб ўқиш ва мутолаа маданиятини юксалтириш, ёшларимизда ёт ғоялар, турли иллатларга қарши маънавий иммунитетни кучайтириш хусусида фикр-мулоҳазалар билдирилди.

 Шунингдек, тадбир доирасида тумандаги Мурувват уйида партия вилоят кенгаши томонидан ташкил этилган жамоатчилик зиё маскани - кутубхонанинг очилиши ҳам бўлиб ўтди.

-  Ушбу кутубхонага бир минг донадан зиёд турли мавзулардаги китоблар жамланган, - дейди Мурувват уйи директори, ЎзЛиДеП вилоят кенгаши раисининг хотин-қизлар масалалари бўйича ўринбосари Хуршидахон Халилова. -  Бу 200 нафарга яқин киши меҳнат қилаётган муассасамиз жамоаси ҳамда 200 нафардан ортиқ тарбияланувчиларимиз учун чиройли туҳфа бўлди. Қолаверса, ходим ва тарбияланувчиларимизнинг қизиқарли мавзулардаги китобларни мутолла қилиш имконияти янада кенгайди.

Тадбирда иқтидорли ва ижодкор ёшлар томонидан намойиш этилган бадиий дастур, ўқилган шеър ва ғазаллар барчада катта таассурот қолдирди.

Умидахон ИСАЕВА,

 

  Ўзбекистон либерал-демократик партияси Андижон вилоят кенгаши “Аёллар қаноти” бўлим мудири.

(17 – сон)

Андижон машинасозлик касб-ҳунар коллежида “Очиқ эшиклар куни” тадбири бўлиб ўтди.

Умумтаълим мактаблари битирувчиларни таълимнинг кейинги босқичига жалб этиш, ўзлари қизиққан мутахассислик йўналишлари бўйича ўқишни давом эттиришларига кўмаклашиш мақсадида ўтказилган ушбу тадбирига Андижон шаҳридаги умумтаълим мактабларининг битирувчилари ўқитувчи ва ота-оналари ҳамроҳлигида ташриф буюрди.

Тадбирда сўз олган коллеж директори Д. Ўринов, директор ўринбосарлари Ў. Раҳмонов, М. Қосимовалар мамлакатимизда ёшлар, уларнинг камолоти, пухта билим олиши ва касб-ҳунар эгаллашлари учун яратилган кенг имкониятлар, умумтаълим мактаблари битирувчиларини таълимнинг кейинги босқичига жалб этиш борасида олиб борилаётган ишлар ҳамда коллеждаги ўқув ишлари, мавжуд  мутахассисликлар ҳақида гапирдилар.

Айни кунда бир минг нафардан ортиқ ўқувчи таҳсил олаётган коллежимизда мамлакатимиз машинасозлик тизими корхоналари учун бешта мутахассислик йўналиши бўйича малакали мутахассислар етказиб берилади. Хусусан, ўқувчиларнинг пухта билим олишлари ва дарсдан бўш вақтларини мазмунли ўтказишлари учун замонавий жиҳозлар билан таминланган ўқув хоналари, касбий таълим бўйича устахоналар, махсус лабораториялар, лингафон, информатика, мультмедия хоналари, 17 мингдан зиёд китоб фондига эга ахборот-ресурс маркази, спорт зали ҳамда ётоқхона мавжуд. Шунингдек, фан тўгараклари, спорт секциялари, “Ораста қизлар” тўгараги самарали фаолият кўрсатмоқда.

Тадбирда мактаб битирувчиларига коллеждаги мавжуд мутахассисликлар, шарт-шароитлар ва имкониятлар ҳақида кўргазмалар, бевосита суҳбатлар орқали кенг маълумотлар берилди. Шунингдек, тадбир доирасида ўқувчилар томонидан тайёрланган буюмлар, уларнинг ижодий ишлари кўргазмалари ташкил этилди.

Малохат ИБАЙДУЛЛАЕВА,

 

коллеж ўқитувчиси.

(17 – сон)

Андижон шаҳридаги Саҳоват уйида истиқомат қилувчи отахон ва онахонларнинг вақтини мазмунли ташкил этиш, уларнинг кўнглига хушнудлик улашиш мақсадида назм ва наво кечаси бўлиб ўтди.

Кўп йиллардан буён вилоятимизда самарали фаолият юритаётган “Нафосат” ижодкорлар клуби аъзолари бўлган шоир ва ёзувчилар, ёш ижодкорлар ҳамда “Эъзоз” ансамбили санъаткорлари иштирок ида ўтган ушбу тадбирда тўгарак раҳбари, шоир Ғани Мажид ва бошқалар сўз олиб, Саховат уйида яшаётган инсонларга бўлган эътибор ва эъзоз юртимизда кексаларга кўрсатилаётган ғамхўрликнинг намунаси эканлиги, юртдошларимиз маънавиятини юксалтириш борасидаги ишлар хусусда гапирдилар. Шундан сўнг тўгарак аъзолари ва ёш ижодкорлар ўзларининг Ватан, ота-она, дўстлик ва муҳаббат мавзуларидаги шеърларини ўқиб бердилар. Айниқса, ижодкор Одилжон Худойбердиевнинг хажвий шеърлари барчага манзур бўлди. 

Шунингдек, тадбирда “Эъзоз” ансамбили санъаткорлари томонидан ижро этилган куй ва қўшиқлар кечага ўзгача файз киритди.

Ушбу маънавий-маърифий, маданий тадбир Саховати уйида яшаётган кўнгли ўксик инсонларга хуш кайфият ва кўтаринкилик улашди.

 “Нафосат” клуби ҳамда “Эзъоз” ансамбли ҳамкорлигида қатор муассасаларда ўтказилаётган бундай тадбирлар юртдошларимизда катта таассурот қолдираётганлиги эътирофга сазовордир.

Мавлуда ТИЛЛАБОЕВА,

 

“Эъзоз” ансамбли аъзоси. 

(17 – сон)

2017 йил - Халқ билан мулоқот ва инсон манфаатлари йили

Жорий йил мамлакатимизда «Халқ билан мулоқот ва инсон манфаатлари йили» деб эълон қилиниши юртимизда инсон манфаатлари олий қадрият сифатида улуғланишига ёрқин бир мисолдир. Қолаверса, йил дастури доирасида бажарилиши белгиланган вазифалар халқ, одамлар билан бевосита иш олиб борадиган маҳалла фуқаролар йиғинлари фаоллари зиммасига ҳам катта масъулият юклайди.

Белгиланган ана шу вазифалардан келиб чиқиб, фуқароларнинг муаммо, дарду-ташвишларини ўрганиш ва хал этиш, турмуш шароитларини яхшилаш, фаровон ҳаёт кечиришларига имкон яратиб бериш борасида бизнинг Полвонтош маҳалла фуқаролар йиғинида ҳам эътиборга молик ишлар олиб борилмоқда.

Жумладан, давлатимиз раҳбарининг ташаббуси билан оилалардаги ижтимоий-иқтисодий ва маънавий муҳитни ўрганиш мақсадида қатор ташкилотлар вакилларидан тузилган ишчи гуруҳимиз томонидан  белгиланган ишлар тизимли равишда олиб борилмоқда.

Маълумки, вилоят хотин-қизлар қўмитаси томонидан Сешанба – оилаларни мустаҳкамлаш куни деб белгиланган. Ана шундан келиб чиқиб, ишчи гуруҳ аъзолари ва фаолларимиз оилалар билан тизимли иш олиб бориш бўйича режа асосида ишлар ташкил этилмоқда.  Энг аввало, маҳалладаги мавжуд 347 оила тўла ўрганиб чиқилди, ҳар бир хонадон сохиб ва соҳибалари билан бевосита суҳбатлар ўзтказилди. Ўрганиш жараёнида  аниқланган муаммолар тегишли ташкилотлар билан ҳамкорликда бартараф этилди. Хусусан, нотинч, қайнона-келин ўртасида можаролар мавжуд бўлган оилалар билан алоҳида тарғибот ишлари олиб борилиб, келишмовчиликлар бартараф этилди.

Аҳоли, айниқса, оналар ва болалар соғлигини муҳофаза қилиш, оилаларни мустаҳкамлаш, бандликни таъминлаш, томорқадан унумли фойдаланиш, тадбирликни ривожлантириш орқали аҳоли даромадларини ошириш борасида ҳам зарур ишлар олиб борилди. Натижада бир қатор ишсиз фуқаролар идоимий ва мавсумий иш билан таъминланди. Тижорат банклари томонидан ажратилган имтиёзли кредитлар ҳисобига 12 оила турли йўналишларда тадбиркорлик фаолиятини йўлга қўйди. Юқоридаги ишлар аҳолининг моддий аҳволини яхшилашга ёрдам бермоқда.

Бундан ташқари, ногиронлар, уларнинг оилаларига керакли тиббий ёрдамлар кўрсатилди. Ногирон маҳалладошларимиздан бир нафарига вилоят, яна бир нафари республика шифохоналарида даволаниш учун йўлланмалар ажратилди. Кам таъминланган оилаларга тадбиркорлар, хомийлар кўмагида амалий кўмак берилмоқда.

Маҳалла фаоллари ёшлар тарбияси, уларнинг бўш вақтларини мазмунли ташкил этиш, коллеж битирувчиларини иш билан таъминлаш масалаларига ҳам алоҳида эътибор қаратмоқда. Жумладан, ҳуқуқ-тартибот идоралари вакиллари, ҳуқуқшунослар, шифокорлар, катта ҳаётий тажрибага эга инсонлар иштирокида ўтказилаётган “Ораста қизлар давраси” тўгараги машғулотларида ёшларнинг ҳуқуқий, тиббий, соғлом турмуш тарзи, оилавий ҳаёт борасидаги билим ва тушунчалари янада бойимоқда. Айниқса, уларга диний ақидапарастлик, кашандалик, гиёҳвандлик, одам савдоси ҳамда эрта ва қариндошлар ўртасидаги никоҳларнинг салбий оқибатлари хусусида кенг тушунчалар берилмоқда. Профилактика куни доирасида эса ҳуқуқбузарлик ва жинояятлар келиб чиқишининг олдини олишга қаратилган тадбирлар, тарғибот ишлари ўтказилмоқда. Айниқса, ҳорижда ишлаб қайтган фуқаролар билан суҳбатлар ўтказилиб, уларни бандлигини таъминлаш, маънавиятини янада юксалтириш масалаларига ҳам алоҳида эътибор қаратилмоқда.

Таъкидлаш керакки, таълим муассасаси-маҳалла-оила ҳамкорлиги яхши йўлга қўйилган бўлиб, ҳар бир ўқувчининг юриш-туриши маҳалла фаоллари, оила катталари томонидан доимий назоратга олинган. Жорий йилда 53 нафар ёшларимиз академик лицей ва касб-ҳунар коллежини тамомламоқда. Уларнинг олий ўқув юртларига кириши, бандлигини таъминлаш масалалари ҳам зарур барча ишлар олиб борилмоқда.

Маҳаллада тўй ва бошқа турли маросимларни кўпчилик билан маслаҳатлашган ҳолда ихчам, камчиқим ўтказиш, қудалар ўртасидаги олди-бердиларни тартибга солиш, тўй билан боғлиқ маросим ва тадбирларни иложи борича бир кунда ўтказиш бўйича йиғинимиз қошидаги “Тўйларни ўтказиш” бўйича тузилган комиссияси аъзолари фаоллар билан ҳамкорликда тегишли ишларни олиб бормоқда.

Маслаҳатчи маҳалланинг энг фаол, жонкуяр вакили бўлиши керак. У ҳар бир оила, уларнинг муаммоларини яхши билиши, зарур бўлганда уларга кўмак бера оладиган, белгиланган ишларни юқори савияда ташкил эта олиш салоҳиятга эга бўлиши лозим. Шу маънода биз маслаҳатчилар фаолияти самарадорлигини, билим ва малакасини ошириш, фаолиятга илғор иш услубларини жорий этиш борасида туман ҳокимлиги, хотин-қизлар қўмитаси, “Маҳалла” хайрия жамоат фонди туман бўлинмаси томонидан ўтказилаётган семирар ва бошқа тадбирлар бизга яқиндан ёрдам бермоқда.

Мухтасар айтганда, маҳалламизда аҳоли, оилалар билан ишлаш борасида илғор иш тажрибалари шаклланган. Бу эса барча йўналишлар бўйича ижобий натижаларга эришишимизга ёрдам бермоқда.

Озодахон  НОРМАТОВА,

Марҳамат туманидаги  Полвонтош махалла фуқаролар йиғинининг диний маърифат ва маънавий-ахлоқий тарбия масалалари бўйича маслаҳатчиси.