Агар, ростдан ҳам коронавирусга чалинган бўлсангиз, бу ҳали ваҳима қилишга сабаб бўла олмайди, чунки:

81 фоиз ҳолатда касаллик енгил  шаклда кечади, 14 фоиз ҳолатда бироз оғир кечади. Фақат 5 фоиз ҳолатларда аҳвол кескинлашади.

Бу, ҳатто агар сиз коронавирусга чалинган бўлсангиз ҳам, тузалиб кетиш эҳтимоли юқори, деганидир.

Атипик пневмониядан ўлим ҳолати 10 фоизни ташкил этган, COVID-19 коронавирусидан вафот этганлар нисбати эса 3,4 фоизни ташкил қилмоқда.

Бундан ташқари, агар ўлим кўрсаткичларини ёшга қараб солиштирадиган бўлсак, ёши 50 дан паст бўлган кишиларда ўлим ҳолати атиги 0,2 фоиз.

Масалан, энг ёмон кун бўлган 10 феврални олиб кўрайлик. Ўша куни Хитойда 108 киши коронавирусдан вафот этган.

Айнан шу куни:

26 минг 283 киши саратондан вафот этган;

24 минг 641 кишининг ўлимига юрак хасталиги сабаб бўлган;

4 минг 300 киши диабет туфайли ҳаётдан кўз юмди;

2 минг 740 кишининг ҳаётига пашшалар зомин бўлди;

1 минг 300 киши қотиллик сабаб ҳаётдан кўз юмган;

137 кишини илон чақиб ўлдирган.

Буларнинг барчаси шуни кўрсатмоқдаки, турли миш-мишлар таъсирига тушманг, дорихоналардан турли хил дори-дармонларни сотиб олаверманг, худди охирзамон келадигандек, озиқ-овқат захирасини тўпламанг!

Эътиборингизни шахсий гигиенага қаратинг, сифатли   овқатланинг, витаминлар қабул қилиб, иммунитетингизни кўтаринг ва яхши ҳаёт кечиринг!".