Нақадар гўзалсан, нафис, беғубор,

Бағрингда яшайман шод-хуррам.

Онамдек азизсан, тоғдек пурвиқор,

Сен тенги йўқ, буюксан, Ватан.

Боғларда очилган гулу лолалар,

Сенинг чиройингни қилади кўз-кўз.

Дунёни лол этган қадим бинолар,

Минг йиллик тарихдан очади сўз.

Ватан, қалбимнинг тўрида сенсан,

Муқаддас биламан танҳо ўзингни,

Сен менинг ғурурим, номус-оримсан,

Керак бўлса бергум ширин жонимни.

Ватан деб жонидан кечганлар бисёр,

Сендан йироқ бўлсам хумор бўламан.

Ватансиз кимсалар ҳар кўчада хор.

Тупроғинг бўйнимга тумор қиламан.

Дунё ҳавас қилган жаннат диёрим,

Истиқлол муборак, Ўзбекистоним!

 Манзура ЙЎЛДОШЕВА,

Асака тумани