(35-сон)

Гўзал юртим - Ўзбекистоннинг,

Кўп бетакрор гўшалари бор.

Жаннатмакон ҳур гулистоннинг,

Инсонлари садоқатга ёр.

Гуллар шаҳри кўхна Намангон,

Ранг-баранг жилвалар макони.

Меҳмоннавоз, халқи Андижон,

Бахтлидир ҳаётнинг ҳар они.

Болдек ширин Самарқанд ноннинг,

Топилмайди ҳеч бир қиёси.

Ҳур Ватаним - Ўзбекистоннинг,

Жаҳонга таралгай зиёси.

Ривожланиш йўлида бугун,

Имкониятлар бари мужассам.

Озод, эрки қўлида бу кун,

Буюкларнинг бари бўлган жам.

Гулшода АБДУҚАҲҲОРОВА, "Орзу" адабий мактабининг аъзоси.