Бағрикенглик хосдир инсонга,

Тинчлик керак еру осмонга,

Имкон берманг иғво-ёлғонга,

Шунда дунё розидир сиздан.

Ҳар инсондан қолсин яхшилик, 

Садоқатга ошно эзгулик,

Ҳаёт тотли - бўлса тотувлик,

Шунда дунё розидир сиздан.

Бор айбни қўйманг дунёга,

Ҳақиқатни йўйманг рўёга,

Ружу қўйманг молу дунёга,

Шунда дунё розидир сиздан.

Бағрикенглик ҳар дилга шиор,

Ўзбекистон энг гўзал диёр,

Барча миллат бунда бахтиёр,

Якдил фикр тушмасин тилдан.

Шунда Ватан розидир биздан.

Абдурашид ЭРГАШЕВ,

Асака тумани.