+0374 223-85-48
Андижон шаҳар, Навоий шоҳкўчаси, 71- уй

Янгиликлар

  • 30 Нояб 2023
    Банк коррупциядан холи соҳага айланадими?
    Тадбир “Ўзмиллийбанк” АЖ Андижон вилояти бошқармасида бўлиб ўтган “Очиқ эшиклар куни” тадбирида ана шу савол ва коррупцияга қарши курашиш билан боғлиқ қатор масалалар хусусида атрофлича…
  • 12 Июль 2023
    Тарғибот ишлари кучайтирилмоқда
    Ўзбекистоннинг янги конституциясида инсоннинг ҳуқуқи, шаъни ва қадр-қиммати олий қадрият сифатида белгилаб қўйилди. Ҳар кандай жамият бахтли келажакка интилгани каби Ўзбекистон ҳам ўзининг тарихий тажриба…
  • 14 Июль 2023
    Фаол аёллар беллашишди
    Танлов Марҳамат тумани Ўқчи маҳалласидаги 29- умумтаълим мактабида фаол қизлар иштирокида "Балли, қизлар!" кўрик-танлови ўтказилди. Тумандаги 2- секторга қарашли маҳаллалардан қатнашган етти нафар қиз пазандалик,…
Газетамизнинг янги сони сизга манзурми?
  • Ovozlar: (0%)
  • Ovozlar: (0%)
  • Ovozlar: (0%)
Jami ovozlar:
Birinchi ovoz:
Oxirgi ovoz:

КИЧИК ҲИКОЯЛАР

Мардлик

Аёл асосий кучни оиладан олади.

Аёлнинг айбини яширган эркак энг мард кишидир.

Бир куни келиним торт пишириб ёнимизга қўйди, жуда мазали бўлибди. Турмуш ўртоғим еб бўлгач, шундай деди:

-Раҳмат, қизим! Худди қайнонангиз пиширган тортга ўхшатиб пиширибсиз.

Ваҳоланки, мен умримда ширинлик пиширмаган эдим. Ер остидан унга қараб жилмайиб қўйдим.

 

 Туғилган кун

Унинг бугун туғилган куни эди. Эрталаб эри индамай ишга кетди. Кун бўйи қўнғироғини кутди. Йўқ. Ишдан қайтди ҳамки, садо йўқ. Аёл хонасига кириб йиғлади. "Бир оғиз сўз билан табриклаб қўйса, нима қиларкин?.. Майли, гул ёки қимматбаҳо совға қилмасин, бир оғизгина..."

Шу пайт эри чақириб қолди. Аёл умид билан унинг ёнига чиқди.

Эри эса:

-Мана бу кўйлакни ювиб қўй, эртага бошлиқнинг хотинини туғилган куни, ўша жойга кияман! - деди.

 

Ҳофиз

Ҳофиз тўйда она ҳақида берилиб қўшиқ куйларди. Шу пайт бир созандаси унинг қулоғига:

- Онангиз бетоб бўлиб қолибди, касалхонага олиб бориш керак экан! - деди шивирлаб.

Лекин ҳофиз:

- Индама, кейин...Албатта борамиз. Ҳозир яхши пул тушаяпти, - деди.

У сел бўлиб онани улуғловчи қўшиқ куйлаётганда, онаси бу дунёни тарк этган эди.

 

Чумоли

У елкасига донни ортиб, уяси томон одимлади, йўлда дон ерга тушиб кетди. Яна устига ортмоқлаб йўлида давом этди. Бу ҳолни кузатиб туриб чумолига шундай дедим:

- Эй, миттигина жонивор! Хотинини бозорга чиқариб қўйиб, эртадан кечгача уйда ўтирган эркакларга ҳам озгина ғайратингдан бергин.

 

Энг яхши қурол

Бир дўстим сўради:

-Қийинчилик ва мусибатни енгиб ўтишингда нимани қурол қиласан?

-Сабрни, - деб қисқа жавоб бердим.

 

Ҳурматой АЗИМШЕР қизи.