Ҳаёт - ибрат мактаби

Ҳайдовчи ён кўзгудан автобуснинг орқа эшиги зиналаридан имиллабгина кўтарилаётган икки йўловчи қизни кўрди.

У дугоналарнинг автобусга чиқиб олишини бир муддат кутди. Лекин беихтиёр "Сингилларим, тез-тез юришнинг иложи борми? Одамлар ўқишга, ишга шошяпти", деб юборди зардали овозда.

Бу ундов жамоат транспортининг олдинги ўриндиқларида ўтирган етти-саккиз йўловчини бараварига ортга қаратди. Дугоналар илдамлаб, салонда кўриниш берди. Уларнинг бири қўлтиқтаёқда эди. Ҳайдовчи қизлардан узр сўрашга чоғланиб, ўрнидан турди…

Икром АВВАЛБОЕВ