Дил туFёни

Ҳар бир инсон онасини ўзича яхши кўради, ўзгача ардоқлайди. "Энг меҳрибон аёл менинг онамдир" дея таърифлайди. Бу табиий, чунки оналар ҳар биримиз учун азиз ва мўътабардир. Ахир фарзанди учун, ҳатто жонини ҳам аямайдиган, тунларни бедор ўтказиб, Аллоҳдан фарзандларига фақат эзгуликлар тилайдиган улуғ инсонни севмай, ардоқламай бўладими?

Менинг онам Нилуфархон Дармонова ҳамшира сифатида жуда кўпларнинг дуосини олган. Онажоним менга доимо: "Қизалоғим, муҳими, яхши инсон бўлгин, яхши ўқигин", дея насиҳат қилади.

Бебаҳо бойлигим бўлган онажонимнинг ҳар бир сўзи, насиҳатлари мен учун тўғри йўлни кўрсатадиган маёқдир. Келажакда онамга издош бўлиб,  шифокорлик касбини танламоқчиман.

Шукуҳли Янги йил байрами арафасида онажоним мен учун қанчалар қадрли эканини таърифлашга сўз ожиз.  Фақат истагим: онажоним бошимда қуёшим бўлиб, ҳамиша меҳр нурларини сочиб турсин. Ва мен ҳамманинг ҳавасини келтириб, дунёда энг бахтли қиз бўлайин.

Дилнора ҚАҲҲОРОВА,

Хўжаобод туманидаги 13-умумтаълим мактаби ўқувчиси.