Қадам босгандингиз илмга чанқоқ,

Вужудингиз босиб ҳаяжон, титроқ,

Энди сиз кетасиз ёнимдан йироқ,

Жаранглар сиз учун сўнгги қўнғироқ.

Сиз билан ҳамиша бўлгандим сирдош,

Ҳали айрилмасдан келар кўзга ёш.

Етармикан унга мендаги бардош,

Жаранглар сиз учун сўнгги қўнғироқ.

Чеҳрангиз кўзимнинг олдида ҳар дам,

Қизларим - сулувлар, йигитлар ўктам,

Келажакка дадил ташлайсиз қадам,

Жаранглар сиз учун сўнгги қўнғироқ.

Бўлингиз доимо касбнинг устаси,

Моҳир қўл, ширинсўз, уйнинг бекаси.

Келажак эгаси, юртнинг эгаси,

Жаранглар сиз учун сўнгги қўнғироқ.

Эсласам сиз томон талпинар юрак,

Ҳамиша халқ учун посбон - сиз керак.

Юрт учун, халқ учун бўлингиз тиргак, 

Жаранглар сиз учун сўнгги қўнғироқ.

Гулнорахон МАҲКАМОВА