Янги китоб

Булоқбошилик Хуршида Арзиева болалигидан шеъриятга ошно, адабиётга ихлоси баланд бўлиб ўсди. Ўрта мактабни тамомлаб, тиббиёт соҳасини танлаган бўлса-да, у шеъриятдан кўнгил узолмади. "Булоқбоши" газетаси қошидаги ижодкорлар тўгарагига қатнаб юрди. Унинг дастлабки шеърлари туман ёш ижодкорларининг "Булоқбоши наволари" номли шеърий тўпламида чоп этилган. "Кўзмунчоғим" Хуршида Арзиеванинг илк китобидир.

Хуршиданинг шеърларида кўз илғамас, аммо қалбан ҳис қилиш мумкин бўлган кечинмаларни, дардларни кўриш мумкин. Унинг сатрларида беғубор юрак тафтини, дил титроқларини, чексиз меҳр ва самимий туйғуларни ҳис этасиз. Хаёлотнинг энтиктирувчи эпкини сизни шеъриятнинг нурли сўқмоқларига етаклайди. 

Ҳаваскор шоиранинг ушбу тўпламидан меҳр-оқибат, эзгулик, армон ва умид, севги ва садоқат сингари қатор инсоний туйғулар тараннум этилган шеърлар жой олган. "Кўзмунчоғим" сиз - азиз  китобхонга манзур бўлади, деган умиддамиз.

"Иқбол" таҳририяти