Мактабда жаранглар сўнгги қўнғироқ,

Балоғат ёшининг нишонаси у.

Навқирон йигит-қиз тизилар сафда,

Ҳар бири дилида жўш урар орзу.

Мана, ортда қолар беғам болалик,

Мактаб йиллари ҳам ўтди бирпасда.

Мустақил ҳаётга ташланар қадам,

Ва ширин ташвишлар бошланар аста.

Охирги қўнғироқ уради бонглар,

Ушбу кун юракда қолар умрбод.

Мактаб дамларини соғинган диллар,     

Кўзларда ёш билан айлагайдир ёд.

Катта йўлга чиқар кичик бир карвон,

Олис йўл олдидан ортингга бир боқ.

Кузатгани чиқди сени мактабинг,

Кузатиб қолмоқда сўнгги қўнғироқ.

Ҳадятилло СОБИРХЎЖАЕВ,

Олтинкўл туманидаги 28-ДИМИ ўқувчиси.