Она ер, она тупроқ, она диёрим,

Муқаддасдир менга, азиздир номинг.

Ўзинг топганимсан, ўзингсан борим,

Дунёга таратай шуҳратинг, шонинг.

Она ер, она тупроқ, она диёрим,

Жону таним менинг, Ўзбекистоним.

Ўзинг дардга малҳам, ўзинг мадорим,

Аллоҳ инъом этган ҳур гулистоним.

Она ер, она тупроқ, она диёрим,

Боғларинг, тоғларинг гўзалдир жуда,

Улкан имкон берган жаннатмаконим,

Мендан бахтли боланг йўқ дунёда.

Она ер, она тупроқ, она диёрим,

Сени улуғлайман ҳар бир сўзимда.

Сен ўзинг, ғурурим, сендирсан орим,

Сени асрагайман кўзим қароғида.

Иброҳим МИРЗАЛИЕВ,

Марҳамат тумани.