Биламиз, ҳеч нарса абадий эмас,

Лек бир нарса борки, асло туганмас.

Бу меҳр. Аёллар меҳри муқаддас,

Шунчалар азиздир, меҳрли Аёл.

Разолат ошёнин кул қилур ҳатто,

Сўлиган новдани гул қилур ҳатто.

Баъзан шохларни ҳам қул қилур ҳатто,

Шунчалар оташин, сеҳрли Аёл.

Тўмарис сиймосин танийди олам,

Юртга ёв келса гар, туради шаҳдам.

"Олға элим", - дейди, - "қўрқма сира ҳам",

Шунчалар довюрак, қаҳрли Аёл.

Турмуш ўртоғига ёр, соҳибжамол,

Қувонар фарзанди топганда камол.

Муҳаббат куйчиси Зулфия мисол,

Шунчалар мунисдир, фахрли Аёл.

Нодирабегим СОБИРОВА