(33-сон) тадбирлар

Андижон давлат университетида "Адолатли қайнона - 2017" кўрик-танловининг вилоят босқичи бўлиб ўтди.

"Адолат" СДП Андижон вилоят кенгаши "Аёллар қаноти" томонидан вилоят хотин-қизлар қўмитаси, "Маҳалла" ҳайрия жамоаат фонди вилоят бўлими ҳамкорлигида ўтказилган мазкур танловда унинг ҳудудий босқичларида ғолибликни қўлга киритган 5 нафар қайнона иштирок этди.

- Қайнона-келин муносабатларини яхшилаш оилалар мустаҳкамлигини таъминлашнинг муҳим омили ҳисобланади, - дейди "Адолат" СДП вилоят кенгаши раисининг ўринбосари, партия "Аёллар қаноти" раҳбари Малохатхон Мусаева.  - Шу боис ҳам  фаол, ташаббускор, жамиятда ва оилада намуна кўрсата оладиган, оила қадриятларини улуғлаётган ибратли қайнона ва келинларни аниқлаш, уларни рағбатлантириш, бу борадаги илғор тажрибаларни тарғиб этиш ва оммалаштириш, миллий оилавий тарбияда умуминсоний қадриятлар ўрнини юксалтириш, ёшларни миллий қадриятлар асосида тарбиялаш ишлари самарадорлигини ошириш мақсадида ўтказилган танлов мазкур йўналишдаги ишларни янада юқори   босқичга кўтаришга хизмат қилади.

Танлов  иштирокчилари белгиланган "таништирув", "савол-жавоб", "ижодий мавзу" шартлар асосида ўз маҳорат, билим ва тажрибаларини намойиш этдилар.

Қизиқарли ўтган баҳсларнинг якуний натижаларига кўра, Избоскан тумани вакиласи Гўёхон Тўрақулова 1- ўринни қўлга киритиб, танловнинг республика босқичида қатнашиш ҳуқуқини қўлга киритди. Шунинг-дек, танловда Жалақудуқ туманидан Муҳаббатхон Ортиқбоева "Энг доно қайнона", Андижон туманидан Замирахон Жабборова "Энг зукко қайнона", Қўрғонтепа туманидан  Оминахон Болтабоева "Энг оқила қайнона", Пахтаобод туманидан Ҳодисахон Тошматова "Энг билимдон қайнона" номинациялари бўйича ғолиб деб топилди.

Fолиб ва совриндорларни "Адолат" СДП вилоят кенгаши раиси П. Асхонов табриклаб, фахрий ёрлиғ ва эсдалик совғалар билан тақдирлади.

Ойгул ЭШМУРОДОВА,

жамоатчи мухбир.