ТаҚдимот

 Андижон шаҳридаги Ёшлар марказида “Адолат мезони” газетаси таҳририяти томонидан “Коррупциясиз жамият – тараққиёт кафолати” деб номланган лойиҳа тақдимоти ўтказилди.

Тақдимотда Ўзбекистон Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди томонидан эълон қилинган грант танловида ғолиб деб топилган мазкур лойиҳа ҳақида маълумотлар берилди.

Дастлаб тадбирда “Адолат мезони” газетаси муҳаррири Махпурахон Ортикова сўз олиб, фонд томонидан молиялаштирилган “Коррупциясиз жамият – тараққиёт кафолати” номли лойиҳанинг мақсади, мазмуни ҳақида кенг маълумотлар берди. Хусусан, лойиҳа давомида амалга ошириладиган ишлар, ўтказиладиган танловлар, коррупция иллатига қарши курашиш тарғиботи юзасидан фикрлар билдирди.

Иштирокчилар лойиҳанинг аҳамияти, уни самарали амалга ошириш, шунингдек, лойиҳа вилоятда коррупцияга қарши курашиш борасидаги тарғибот ишлари самарадорлигини оширишга хизмат қилишлиги хусусида ўзларининг таклиф, фикр ва мулоҳазаларини билдирдилар.

Зуҳриддин УМРЗОҚОВ