Май – жисмоний тарбия фан ойлиги

Маълумки, умумтаълим мактабларида май ойи  – жисмоний тарбия фан ойлиги, деб эълон қилинган. Шу муносабат билан ўқувчи ёшларни соғлом ва баркамол вояга етказиш, жисмоний тарбия оммавийлигини ошириш, соғлом турмуш тарзини оммалаштириш мақсадида таълим муассасаларида турли тадбирлар, спорт мусобақалари ўтказилмоқда.

Ойлик доирасида Андижон шаҳар халк таълими бўлими тасарруфидаги 44- умумтаълим мактаби бошланғич синф ўқувчи қизлари ўртасида мусобақа ташкил этилди. Бошланғич синф ўқувчиларининг бадиий гимнастикага бўлган қизиқиши жуда юқори. Шу боис ҳам мусобақа қизиқарли баҳсларга бой бўлди.

Мусобақанинг якуний натижаларига кўра, 2009-2010 йилларда туғилган қизлар ўртасида 1-ўринни Зебунисо Мираҳмедова, 2-ўринни Мадина Пўлатжонова, 3- ўринни Муслима Анваржонова қўлга киритди.

2011-2012 йилларда туғилганқизлар ўртасидаэса Фарангиз Камолдинова 1- ўринга, Муслима Ўрмонова 2-, Муслима Толипова 3-ўринларга сазовор бўлди.

Ғолиб, совриндор ҳамда мусобақанинг фаол иштирокчилари мактаб маъмурияти томонидан фахрий ёрлиқ ва эсдалик совғалар билан тақдирландилар.

Мазкур мусобақа, ўқувчи қизларнинг соғлом ва баркамол бўлишларига, спортга, айниқса, бадиий гимнастикага бўлган қизиқишларини ошишига хизмат қилди.

Гулноза ЭРГАШЕВА,

Андижон шаҳридаги 44- умумтаълим мактаби жисмоний тарбия фани ўқитувчиси.