Мамлакатимиз мустақиллигининг қутлуғ йигирма тўққиз йиллик байрами арафасида вилоят ҳокими ташаббуси билан Андижон шаҳри марказида, шунингдек, 12 та маҳалла гузарида қишлоқ хўжалиги ва озиқ-овқат маҳсулотлари ярмаркалари ташкил этилди.

 Савдо ярмаркалари расталаридан вилоятдаги агрофирмалар, паррандачилик корхоналари, савдо ташкилотлари маҳсулотлари, шунингдек, фермер хўжаликлари ҳамда деҳқонлар томонидан етиштирилган, ишлаб чиқарилган мева-сабзавотлар, озиқ-овқат ва полиз маҳсулотлари ўрин олган.

Халқимиз дастурхони тўкинлигини таъминлашга хизмат қиладиган бу каби савдо ярмаркалари вилоятнинг барча туман ва шаҳарлари марказларида ҳам ташкил этилади.

Р.ЭШОНОВ.