Ўзбекистон таълим, фан ва маданият ходимлари касаба уюшмаси Низомида тармоқ ташкилотларида ҳисобот-сайловлар ҳар 5 йилда бир марта ўтказилиши, касаба уюшма органлари  5 йил муддатга сайланиши белгилаб қўйилган. Касаба уюшмаси Андижон шаҳар кенгаши таркибидаги ташкилот ва муассасаларда жамоа     шартномаларининг бажарилиши ҳамда ҳисобот-сайловлар ўтказилиши юзасидан умумий йиғилишлар бўлиб ўтмоқда.

Андижон давлат университети қошидаги академик лицей, Андижон шаҳридаги 6-, 10-умумтаълим мактабларида 2018-2020 йиллар учун тузилган жамоа шартномаларининг ўтган 2019 йилдаги ижроси ва ҳисобот-сайлов йиғилишлари юзасидан намунали ўқув-семинари ўтказилди.

Тадбирда бошланғич ташкилот раислари жамоа шартномасининг касаба уюшмаси томонидан бажарилиши, уюшма аъзоларининг бурч ва масъулиятлари, ходимларнинг ички меҳнат тартиб-қоидаларига бўйсунишлари, шунингдек, меҳнат ҳуқуқлари, умуман, касаба уюшмаларнинг вазифалари юзасидан гапириб ўтдилар. Ҳисобот-сайлов йиғилишлари фаолият самарадорлигини оширишга хизмат қилишини таъкидладилар.

Умумий йиғилишлар шаҳар халқ таълими бўлими тасарруфидаги барча умумтаълим, шунингдек, ихтисослаштирилган мактабларда, мактабгача таълим ташкилотларида намунали ташкил этилди. 

Насибахон ТЎРАҚУЛОВА,

 касаба уюшмаси Андижон

шаҳар кенгаши раиси.