Андижон шаҳридаги Деҳқонобод маҳалласида трикотаж маҳсулотлари ишлаб чиқарувчи цехлар ишга тушди. Тадбиркор Ҳикматхон Юнусованинг саъйи ҳаракати билан иш бошлаган трикотаж цехида асосан эркаклар кўйлаклари, болаларга мўлжалланган мавсумий футболкалар ишлаб чиқарилади. Ишчиларнинг унумли меҳнат қилишлари учун барча шароитлар яратилган. Улар икки маҳал иссиқ овқат билан бепул таъминланмоқда.

-Юртимизда тадбиркорларга яратиб берилаётган имкониятлардан фойдаланиб, ишлаб чиқаришни йўлга қўйдик. Мақсадларимиз эзгу, режаларимиз улкан, - дейди Ҳикматхон Юнусова. - Келажакда юз фоиз табиий матодан тайёрланаётган маҳсулотларимиз ҳажмини кенгайтириб, қўшни давлатларга сотишни мўлжаллаяпмиз. Иш ҳақлари ўз вақтида бериб борилмоқда.

Тадбиркорлик билан шуғулланувчи хотин-қизлар сафининг кенгайиши ишлаб чиқаришда соғлом рақобат муҳитини яратмоқда.Яна бир тадбиркор аёл -  Донохон Ботирова ҳам трикотаж цехи ташкил этди. Цехда аёллар кўйлаклари ва рўмоллари ишлаб чиқариш йўлга қўйилган.

Шуҳратбек КЕЛДИЕВ