+0374 223-85-48
Андижон шаҳар, Навоий шоҳкўчаси, 71- уй

Янгиликлар

  • 24 Апр 2024
    Ишчи гуруҳ фаолияти ва ҳамкорлик янада кучаяди
    Андижонда Ўзбекистон Республикаси Вазирлар Маҳкамасининг 2022 йил 21 февралдаги “Ўзбекистон Республикасининг одамнинг иммунитет танқислиги вируси келтириб чиқарадиган касаллик (ОИВ инфекцияси) тарқалишига қарши курашиш бўйича ёшлар…
  • 18 Апр 2024
    Маданий-тарихий ёдгорликлар – ўлмас меросимиз
    Танлов Марҳамат туманида “Буюк тарихимизни ўзида мужассам этган ёдгорликлар - муқаддас меросимиз” мавзусида илмий-амалий анжуман бўлиб ўтди. 18 апрель - Ёдгорликларни ва тарихий жойларни асраш…
  • 30 Нояб 2023
    Банк коррупциядан холи соҳага айланадими?
    Тадбир “Ўзмиллийбанк” АЖ Андижон вилояти бошқармасида бўлиб ўтган “Очиқ эшиклар куни” тадбирида ана шу савол ва коррупцияга қарши курашиш билан боғлиқ қатор масалалар хусусида атрофлича…
Газетамизнинг янги сони сизга манзурми?
  • Ovozlar: (0%)
  • Ovozlar: (0%)
  • Ovozlar: (0%)
Jami ovozlar:
Birinchi ovoz:
Oxirgi ovoz:

23 Март 2024

Коррупцияга қарши муросасизлик маданиятини шакллантириш муҳим вазифа

Автор
Маколани бахоланг
(0 Овоз)

МулоҲаза

Ҳалоллик, ўз маъносига кўра, тўғрилик, адолат, софдиллик, самимийлик, иймон сўзлари билан уйғундир. Буюк бобокалонимиз Амир Темур хазратлари ўзининг ички ва ташқи сиёсатини юргизишда, оила тарбиясида, дину диёнатга риоя этишда ҳалоллик ва ростликгўйликни ўзига бош шиор қилиб олган.

Зеро, ростлик, тўғрилик - ҳар бир ишга мулоҳаза билан ёндашиш, адолатни фаолиятининг асосий мезони деб билиш, ҳамма нарсани ўз номи билан аташ инсонни комилликка етакловчи, жамиятни тараққиётнинг юқори поғоналарига олиб чиқувчи жиҳатлар ҳисобланади.

Ўзбекистон Республикаси Президенти Олий Мажлисга Мурожаатномасида Янги Ўзбекистон маънавиятида ҳалоллик, тўғрилик тамойили ҳаётимизнинг бош қадриятига айланиши, мамлакатимиздаги мавжуд ижтимоий иллатларга, ҳусусан, коррупцияга қарши курашда жамоатчилик ролини ошириш, керак бўлса, тўғрилик, ҳалолликка барча воситалар билан бўлса ҳам ўргатиш масаласига алоҳида тўхталган эди. Дарҳақиқат, жамиятда ҳалоллик, ростлик, тўғрилик принципига амал қилиш ижтимоий ҳаракатга айланиши зарур.

Жамиятда коррупцияга қарши муросасизлик маданияти, бу - кишиларнинг коррупцияга нисбатан муросасиз онгли муносабати, билим даражаси, тажрибаси, коррупциявий жараёнларга қарши фаол хатти-ҳаракатларидир.

Таъкидлаш жоизки, мамлакатимизнинг ижтимоий ривожланиши ва ривожланган, демократик давлатлар қаторидан муносиб ўрин олиш ғояси қуйидаги ижтимоий-иқтисодий, маънавий ҳамда интеллектуал асосларга таянади:

-      ўзбек халқининг меҳнаткашлиги, аҳоли турмуш фаровонлигининг узлуксиз яхшиланаётгани, одамлардаги шукроналик ҳамда ҳаётидан розилиги ижтимоий тараққиётимизнинг муҳим омилига айланаётгани;

-      халқимизнинг юқори интеллектуал, маънавий салоҳиятга эга эканлиги, инсон капиталини ривожлантириш бўйича дунё эътирофига сазовор натижаларга эришилаётганлиги;

-      мамлакатимиз бой ер ости ва ер усти бойликларига, Ўзбекистоннинг барқарор тараққиёти учун етарли сув таъминоти, қулай иқлим, унумдор тупроққа эга эканлиги;

-      Ўзбекистоннинг Марказий Осиёнинг марказида жойлашгани, ҳар томонлама қулай коммуникациялар тизими бунёд этилгани, ҳаво, темир йўл, автомобиль транспортининг ривожланган инфраструктурасига эга эканлиги;

-      халқимизнинг бағрикенг миллий менталитетга эгалиги, фаолиятда намуна, ибрат бўлиш туйғусининг кучлилиги, яхши ишларда етакчи бўлиш фазилати ва юртдошларимизнинг иймон-эътиқоди мустаҳкамлиги, ҳамкорлик ва дўстликка садоқати, эртанги кунга бўлган ишончининг кучлилиги.

-      халқимиз ўзининг буюк аждодлари илмий даҳоси, илмий ҳамда маънавий жасоратининг ҳақли вориси сифатида намоён этишга интилаётгани, дунё интеллектуал-маърифий майдонида юксак иқтидор эгаси, барчага мақбул бўладиган оқилона ечимлар тавсия эта олувчи, узоқни кўзлаб иш тутувчи, юксак маънавиятли миллат сифатида ўзлигини кўрсатаётганлиги;

-      Мамлакатимизда амалга оширилаётган Тараққиёт стратегиясини халқимиз тўла қўллаб-қувватлаётгани, одамлар ушбу жараённинг кузатувчиси эмас, балки онгли ва фаол иштирокчисига айланганлиги, жамиятдаги жараёнларга дахлдорлик туйғусининг кучлилиги.

Минг афсуски, бугунги кунда юқоридаги каби юксак ахлоқий жиҳатлар, юксак интеллектуал салоҳиятга эга бўлган халқимиз коррупцияга қарши курашда эътиборсизлик туфайли кутилган натижаларга эриша олмаяпти. Бу жамиятимиз ривожига жиддий тўсиқ бўлаётганидан ҳам кўз юма олмаймиз.  

 Шу боис ҳам одамларимиз онги ва қалбидан эътиборсизликни бутунлай чиқаришга ҳаракат қилишимиз, шу билан бирга, аҳолининг ҳуқуқий билимларини ошириш масаласига  алоҳида эътибор қаратишимиз лозим. Шу орқали жамиятимиз олдида турган муҳим вазифа -  юртдошларимиз онгида коррупцияга қарши муросасизлик маданиятини тўла шакллантира оламиз. Аввало, ушбу маданият инсонларнинг онгида рўй бериши ва ундан кейин уларнинг ҳаракатига кўчиши керак.  Президентимиз, ҳукуматимиз томонидан жамиятда коррупцияга қарши муросасизлик, коррупцияга қарши онгли муносабат, коррупциявий жараёнларга фаол қаршилик кўрсатиш маданиятини шакллантиришга қаратилган кенг кўламли  ишлар  ҳам ана шу мақсадга  йўналтирилган.

Корррупцияга қарши курашиш, хусусан, ходимларимизда коррупцияга қарши муро-сасизлик маданиятини шакллантириш борасида банкимизда ҳам муайян ишлар олиб борилмоқда. Жумладан, ходимлар иштирокида ўтказилаётган қатор мулоқот ва давра суҳбатларида коррупция иллатининг аянчли оқибатлари, унинг жамият ривожига салбий таъсири, ушбу иллатга  нисбатан  муросасиз  бўлиш  ҳақида  кенг  тушунтиришлар  бериб  борилмоқда.

 

Улуғбек КАБУЛОВ,

"Ўзмиллийбанк" АЖнинг Андижон вилояти бошқармаси бошқарувчиси.

 

Зафарбек ТЎЙЧИЕВ,

"Ўзмиллийбанк" АЖнинг Андижон вилояти бошқармаси

коррупцияга қарши курашиш комплаенс-назорат бош мутахассиси.

Прочитано 82 раз Последнее изменение 04 Июль 2024