+0374 223-85-48
Андижон шаҳар, Навоий шоҳкўчаси, 71- уй

Янгиликлар

  • 26 Дек 2019
    Суд идоралари тадбиркорларни қўллаб-қувватламоқда
    Тарғибот тадбирлари Жиноят ишлари бўйича Пахтаобод туман суди ташаббуси билан “Сиз тадбиркор учун нима қилдингиз?” акцияси доирасида “Тадбиркорлик соҳасида амалда бўлган қонун нормалари ва қонуности…
  • 28 Нояб 2019
    "МАНГУ ҲИЛПИРАЙВЕР, ЖОНАЖОН БАЙРОFИМ!"
    Андижон шаҳридаги 5-мактабгача таълим ташкилотида Ўзбекистон Республикаси давлат байроғи қабул қилинганлигининг 28 йиллигига бағишланган "Мангу ҳилпирайвер, жонажон байроғим!" деб номланган маърифий тадбир бўлиб ўтди. Тадбирда…
  • 28 Нояб 2019
    Замонавий раҳбар, меҳрибон она, маҳоратли педагог, ижодкор тарбиячи
    Мудиралар беллашуви Жалақудуқ тумани мактабгача таълим бўлимида "Замонавий раҳбар, меҳрибон она, маҳоратли педагог, ижодкор тарбиячи" кўрик-танловининг туман босқичи бўлиб ўтди. Мазкур танлов давлат мактабгача таълим…
Газетамизнинг янги сони сизга манзурми?
  • Ovozlar: (0%)
  • Ovozlar: (0%)
  • Ovozlar: (0%)
Jami ovozlar:
Birinchi ovoz:
Oxirgi ovoz:


17 Окт 2019

Бола биринчи навбатда мактабга бориши лозим

Автор
Маколани бахоланг
(0 Овоз)

Муносабат

Яқинда ижтимоий тармоқларда: "Андижон вилояти Шаҳрихон шаҳридан ёзмоқдамиз. Жума куни ички ишлар ходимлари ибодатга келган болаларни жоме масжид ичкарисига киритмади..." деган хабар тарқалган.

Хабар болаларнинг ҳақ-ҳуқуқлари поймол этилаётган, эркин ибодат қилишларига имкон берилмаётган мазмунда  талқин этилган. Ана шундан келиб чиқиб, бу борадаги айрим мулоҳазаларни айтиб ўтишни лозим топдим.

Бугун интернет, ижтимоий тармоқлар орқали ҳақиқатга тўғри келадиган ва келмайдиган, холис ва нохолис маълумотлар тарқатилиши урфга айлангани ҳеч кимга сир эмас. Тўғри, бу тараққиёт, жамиятдаги очиқ-ошкораликнинг бир кўриниши.

Лекин ҳар бир ҳодиса, жараённи ёзишдан аввал, унинг мазмун-моҳиятини, нима эканлигини англаб олиш ҳам жуда муҳимдир. 

Келинг, юқоридаги хабардан келиб чиқиб, мулоҳаза юритиб кўрайлик. Хабарни тарқатган инсон назаримда жамиятдаги ўзгаришлар, жараёнлардан умуман хабарсиз ёки уларни кўра олмайдиган шахс. Чунки, шу юртнинг бир фуқароси сифатида айта оламанки, бугун юртимизда намоз ўқиш, ибодат қилиш учун ҳеч қандай тўсиқ йўқ. Балоғатга, яъни намоз ўқиш фарз қилинган ёшга етган болалар мактабдаги дарслардан   ташқари пайтларида ўзлари ёки оталари ҳамроҳлигида масжидга бориб намоз ўқиётганларига жуда кўп гувоҳ бўлганман.

 Аллоҳга беадад шукрлар бўлсинки, кейинги йилларда мамлакатимизда фуқароларнинг эмин-эркин ибодат қилиши, зиммаларидаги диний арконларни бекаму кўст адо этишлари учун зарур барча шароитлар яратилган.  Биргина вилоятимизда айни кунда 171 та жоме масжиди ишлаяпти. Нафақат шаҳарлардаги, балки чекка-чекка қишлоқлардаги масжидларда ҳам тозалик, покизалик, таҳорат олиш, намоз ўқиш учун яратилган шароитларга ҳар қандай кишининг ҳаваси келади. Қолаверса, шу йилнинг ўзида  вилоятнинг ўзидан минг нафарга яқин инсон муборак хаж сафарини адо этди, умра сафарига эса исталган пайтда бориш имкони мавжуд. Бундай имкониятларга, юртдаги тинчлик-хотиржамлик, тўкинликка шукр қилмаган инсонни ким деб аташ мумкин?

Узоққа бормайлик, 30-40 йил аввални ёдга олайлик. Ўтган  асрнинг 80-йилларида рухсат берилмаганлиги учун айрим жойларда хайит намозлари ёмғир, қорлар остида, далаларда ўқилган ҳолатларга ҳам гувоҳ бўлганмиз.

"Ўқувчилар масжидга, ибодатга қўйилмаяпти" деган шахс 4-5 синф ўқувчилари (ижтимоий тармоқдаги хабар билан берилган фотосуратда тахминан 4-5-синф ўқувчилари акс этган) намозга эмас, мактабга, дарс машғулотларига қатнашиши кераклигини англаб олиши лозим. Чунки, мактаб ўқувчиси биринчи галда мактабга бориши дунёдаги аксарият давлатларда амал қилиниши қатъий белгиланган тартиб, жумладан, Ўзбекистонда ҳам.  Тўғри, Эрон, Саудия Арабистони сингари бир қатор ислом давлатларида жума дам олиш куни деб белгиланган. Шу боис, болалар ҳам жума намозларида қатнаша олади. Лекин, Ўзбекистон дунёвий мамлакат, ундаги мавжуд қонуний тартибларга барча амал қилиши керак. Болаларнинг жума намозга қатнашаман, деб дарсларни қолдиришлари мақсадга мувофиқ эмас.

Жума намозлари ўқиладиган кунлари деярли барча масжидларда одам жуда гавжум бўлади. Шу боис ҳам, айнан шу куни тартиб-интизомни сақлаш, хавфсизликни таъминлаш мақсадида  жоме масжидларимизда ички ишлар ходимларининг навбатчилиги йўлга қўйилиши бор гап. Бунинг ҳеч қандай ёмон жиҳати йўқ. Фақат ички ишлар ходимлари жума намозига келаётган ҳали балоғатга етмаган болаларга, айниқса, уларни етаклаб келаётган оталарга масаланинг моҳиятини, яъни,  болалар аввало мактабга бориши лозимлигини тўғри, чиройли тарзда тушунтиришлари керак. Зотан, ички ишлар ходимлари бу борада қўполлик қилиб ёки ноўрин хатти-ҳаракатлари билан кимларнингдир юқоридаги каби нохолис гап-сўзлар тарқатишига ўрин қолдирмасин.

Фахриддин

 

ИБАЙДУЛЛАЕВ

Прочитано 99 раз Последнее изменение 04 Нояб 2019