+0374 223-85-48
Андижон шаҳар, Навоий шоҳкўчаси, 71- уй

Янгиликлар

  • 22 Авг 2019
    Кўнгиллар обод бўлди
    САХОВАТ Яқиндагина ўтган Қурбон ҳайити, қолаверса, яқинлашиб келаётган мамлакатимиз мустақиллигининг қутлуғ 28 йиллик байрами олдидан вилоятимизда меҳр-оқибат, ўзаро аҳиллик ва тотувлик муҳитини янада мустаҳкамлаш, халқимизга…
  • 22 Авг 2019
    МАКТАБЛАРДА КИМЛАР БЕПУЛ ДАРСЛИКЛАР БИЛАН ТАЪМИНЛАНАДИ?
    Буни билиб қўйинг! Биринчи синф, "Меҳрибонлик" уйи, махсус мактаб, мактаб-интернатлари ва ижтимоий ёрдамга муҳтож оилалар ўқувчилари мактабнинг кутубхона жамғармаси томонидан дарсликлар тўплами билан бепул таъминланади.…
  • 22 Авг 2019
    ОЛТИНКЎЛДА ОИЛАВИЙ АЖРИМЛАР КАМАЙДИ
    Олтинкўл туманида "Фикр, сўз, таҳлил, амалий иш бирлиги - фаолиятнинг муҳим мезони" мавзусида кўргазмали семинар бўлиб ўтди. Вилоят ҳамда Олтинкўл тумани хотин-қизлар қўмитаси ҳамкорлигида ўтказилган…
Газетамизнинг янги сони сизга манзурми?
  • Ovozlar: (0%)
  • Ovozlar: (0%)
  • Ovozlar: (0%)
Jami ovozlar:
Birinchi ovoz:
Oxirgi ovoz:


03 Авг 2017

ТАТУАЖ- ПАРДОЗ УСУЛИ ЗАРАРЛИМИ?

Автор
Маколани бахоланг
(0 Овоз)

(32-сон) Гўзаллик ва саломатлик

Бугунги кунда давр ўта тараққийлашиб кетгани каби аёлларнинг ҳуснига ҳусн қўшиш, гўзал кўриниш борасида ҳам бир қанча янгиликлар кашф этилган. Улар орасида татуаж, яъни узоқ вақт кетмайдиган пардоз усули анча оммалашиб кетди. Тўғри, аёлларимиз гўзал бўлишга интилганлари яхши, албатта. Бироқ, бу пардоз тури улар учун фойдадан кўра зарар келтиришини опа-сингилларимизнинг кўпчилиги билмасалар керак.

Татуаж аслида лаб, кўз ва қошга шакл бериш, тери нуқсонлари, чандиқ ва пигмент доғларни яшириш, ҳол қўйиш ёхуд табиий холларга бироз ранг бериш усули ҳисобланади. Бунда терига игна ёрдамида махсус бўёқ юборилади. Бу муолажа оғриқли бўлиб, бир-икки соат вақт талаб этади. Демак, татужнинг қандай йўналишлари бор. Умуман, унинг фойда ва зарарлари нималардан иборат. Бу ҳақда шифокор Саида Назирова қуйидагиларни гапириб берди.

 

ЛАБ ТАТУАЖИ

Лаблар шаклини тўғрилаш, катталаштириш ҳамда лабнинг ичини бўёқ билан тўлдириш мақсадида олиб борилган муолажадан сўнг оғиз атрофида шишлар пайдо бўлиши ва унинг битиши узоқ вақтга чўзилиши ҳам мумкин. Лабни татуаж қилгандан сўнг кишида инфекцион касалликлар билан хасталаниш, шунингдек, герпес вируси пайдо бўлиши эҳтимоли кучаяди.

 

КЎЗ ТАТУАЖИ

Татуажнинг мазкур тури кўзларга ишлов бериш, жумладан, игна ёрдамида шакл чизиш йўли билан кўз ва қовоқ шакли тўғриланади, нуқсонлари яширилади.

Бироқ бу оғриқли муолажа бўлиб, кўзнинг кўриш қобилиятига, қовоқ терисига зиён етказиши, тери сезувчанлиги ва ҳаракатига салбий таъсир ўтказиши мумкин. Бу татуажнинг энг хавфли усули ҳисобланади.

 

ҚОШ ТАТУАЖИ

Қош татуажи қошнинг илдизи йўқ бўлиб кетишига ҳам олиб келиши мумкин. Бундай турдаги пардоз кўп ҳолларда маълум вақт ўтиши билан қошлар тукини бутунлай йўқотиб, тўкилиш эҳтимолини оширади ва янги қошлар ўсиб чиқишини тўхтатади.

 

ТАНА ТАТУАЖИ

Бундай татуаж пардознинг энг кенг тарқалган йўналиши ҳисобланади. Бунда тананинг турли қисм-ларига ҳар хил кўринишдаги тасвирлар туширилади.  Ушбу татуаж нисбатан зарарсиз бўлса-да, унинг салбий асоратлари йиллар ўтгандан кейин юзага чиқиши мумкин.

 

ҲОМИЛАДОРЛИКДА МУКИН ЭМАС

Татуаж аёлнинг ҳомиладорлик даврида умуман мумкин  бўлмасада, баъзи бир аёллар оғироёқ бўлишларига қарамай, пардознинг бу усулидан фойдаланишмоқда. Бу ўз навбатида кўплаб муаммоларни юзага келтириши мумкин. Негаки, ҳомиладорлик даврида тери жудаям таъсирчан бўлиб, иммунитетнинг пасайиши ҳисобига инфекцияларнинг танага кириши    бошқа пайтга нисбатан кучлироқ бўлади.

 

ХАВФЛИ ТОМОНЛАРИ

Татуажда турли асбоб-ускуналардан фойдаланилади. Демак, асбоб-ускуналарни нотўғри стерилизациялаш, сифатсиз бўёқ ва мутахассис тажрибасининг етишмаслиги салбий оқибатларга олиб келиши мумкин. Яна бир салбий жиҳати у юзнинг асаб толалари ва томирларига жароҳат етказиши осонликча ўтиб кетмайдиган аллергияни ҳам қўзғатади.

Бўёқларнинг баъзилари ўз таркибида аллергия ҳамда терида чандиқнинг пайдо бўлишига сабаб бўлувчи моддаларни сақлайди. Одатда бу моддадан мато ва сочлар учун бўёқлар ишлаб чиқаришда фойдаланишади. Ушбу модданинг татуаж туфайли терида узоқ вақт туриши аёлларда пардоз воситаларига, маиший кимё маҳсулотларига нисбатан аллергия пайдо бўлишига олиб келади. Доимий равишда ачишиш, қичишиш, ғурра ва шамоллаш сингари аломатлар алергия юзага келишининг дастлабки кўринишлари саналади.

 

Хосият Сиддиқова

ёзиб олди.

�нди.

 

Прочитано 1101 раз Последнее изменение 11 Сен 2017