+0374 223-85-48
Андижон шаҳар, Навоий шоҳкўчаси, 71- уй
Газетамизнинг янги сони сизга манзурми?
  • Голоса: (0%)
  • Голоса: (0%)
  • Голоса: (0%)
Всего голосов:
Первый голос:
Последний голос:

Super User

САБР ВА ШУКР ҲАМРОҲИМИЗ БЎЛСИН

Шундай инсонлар бўладики, улар тириклигида ўзларига мангу ҳайкал қўйиб кетадилар. Ана шундай буюк зотлардан бири мамлакатимизнинг биринчи Президенти Ислом Абдуғаниевич Каримов эди.

У кишининг шижоати ва мардлиги билан юртимиз мустақил деб эълон қилингандан сўнг ўтган йигирма беш йил давомида Ўзбекистонимизда асрлага татигулик ишлар амалга оширилди. Энг асосийси, юртимиз обод бўлди, халқимизнинг тинч ва фаровон ҳаётига тамал тоши қўйилди, юртимиз қудрати, буюк келажаги жаҳон ҳамжамияти томонидан эътироф этилди. Минг афсуски, ул зот бугун орамиздан боқий дунёга кетди. Лекин у киши бошлаб берган истиқбол йўли, эзгу амаллар бардавомдир.

Халқимиз миллий истиқлолга эришган дастлабки оғир кунларни, ғанимлар диний, миллатлараро низо ва фитна солишга уринаётган таҳликали даврларни бевосита Президентимизнинг мардонаворлиги ва қатъияти билан енгиб ўтди. Яратганнинг марҳамати ва Юртбошимизнинг оқил сиёсати туфайли халқимиз барча қийинчиликларни енгиб ўтди.

Дарҳақиқат, бугун юртимиз тинч, ҳаётимиз фаровон. Жамиятимизнинг ҳар бир фуқароси интилса, ҳаракат қилса, ҳар қандай орзу-истагига эришиши мумкин. Бундай гўзал, фаровон, тинч-осуда ҳаётни ота-боболаримиз фақат орзу қилишган, қолаверса, уруш ҳаракатлари, турли табиий офатлар рўй бераётган кўплаб давлатлар аҳолиси юртимизга ҳавас назари билан қарашлари аниқ.

Мана шундай тинч, осуда, неъматлар бисёр бир маконда яшаётганлигимизга шукрона айтишимиз зарур. Бизга эркинлик берган, ўз имкониятларимиздан тўлақонли фойдаланишимиз учун зарур шарт-шароитлар яратиб берилган мамлакатимиз равнақи учун қўлимиздан келганча хизмат қилиш биз учун ҳам қарз, ҳам фарздир.

Ҳамма нарса муҳайё бўлса-да, аҳён-аҳёнда айрим юртдошларимизнинг ношукрлик қилишлари ҳар қандай одамни ранжитади. Тўғри, кишининг ҳаёти ҳамиша текис ўтмайди. Баъзида ҳаётда турли қийинчиликлар юз бериши мумкин. Бу билан ношукр бўлишимиз, бунинг учун кимларнидир айблашимиз динимизнинг ёхуд инсонийликнинг бирор бир мезонига тўғри келмайди. Инсон Аллоҳ берган қийинчиликларни сабр, бардош билан енгиши керак. Аллоҳ таоло Қуръони Каримда: "Эй иймон келтирган бандалар, берган неъматларимга шукр қилсаларингиз зиёда қиламан, бордию ношукр бўлсаларингиз уни сизлар учун танг қиламан ва азобим ҳам қаттиқроқдир", деб марҳамат қилган.

Шу ўринда шукр қандай адо этилиши хусусида кенгроқ тўхталиб ўтишимиз ўринли бўлади. Шукр қилишлик икки хил бўлади, шукр қалбий, яъни қалбан шукр қилиш. Шукри лисоний, яъни тил билан шукр қилишлик. Банда шукр қилишлик аввало, банда эга бўлиб турган барча неъматларга хурсандлик билан рози бўлмоғи, Тилнинг шукри ёлғон гапирмаслик, ғийбат, шикоят қилмаслик, қулоқнинг шукри эса ғийбатларни эшитмаслик, кўзнинг шукри ношаръий нарсаларга тик боқмаслик, хуллас мана шунга ўхшаб инсон ўз вужудидаги аъзоларига зиён келтирадиган барча нарсалардан ўзини эҳтиёт қилмоқлигидадир.

Тил билан қилинадиган шукр ҳам доимо Аллоҳнинг зикрида бўлиш, худа-беҳуда гапларни гапирмаслик билан бўлади. Вужуднинг шукри ибодат билан, қалбнинг шукри эса қалбига гумон, иғво, бўҳтон сингари ёмон иллатларни келтирмаслик билан намоён бўлади. Улуғ донишмандлардан бири инсон: "Ё Роббим, аввало юртимизни тинч қилганингга шукр, аҳли аёл, аҳли солиҳ фарзандлар берганингга, озми-кўпми мол-мулк билан сийлаганингга, адолатли подшо, оқибатли қўни-қўшнилар билан ҳамроҳ қилганингга шукр" дея барча неъматларга шукр қилмоғи керак деб ёзади.

Пайғамбар (с.а.в.) эса муборак ҳадису шарифларида "Қаноатли киши бой кишидир, сабрли киши иймонлидир, чунки иймоннинг ярми сабр билан ўлчанади" деганлар. Инсон ҳар қандай ҳолатда ҳам Роббисига шукр қилмоғи, қиёмат кунини фикр қилмоғи, ҳар бир қадамини ўйлаб, сўзларини эса фикрлаб гапирмоғи зарур бўлади. Аллоҳ таоло шукр қилгувчи бандалари билан ва сабрлилар билан биргадир. Аллоҳ таоло барчаларимизга шукр қилишлигимизни зиёда қилсин, ношукр бўлишдан ўз паноҳида асрасин. Сабрли бандалари қаторида бу дунёда чиройли ҳаёт кечиришликни насиб этсин. Юртимизда тинчлик, осойишталик барқарор бўлсин.

Исомиддин ШАМСИДДИНОВ,

Андижон шаҳридаги "Шаҳид тепа" номли жомеъ масжид имоми.

Савол-жавоб

Обуна

ҚАДРЛИ ҲАМЮРТЛАР, МУҲТАРАМА ОПА-СИНГИЛЛАР!

Агар Сиз йил давомида вилоятимиз хотин-қизлари ҳаёти, ибратли ишлари, уларнинг ижод намуналари билан танишиб боришни истасангиз, 2019 йил учун "Иқбол" газетасига обуна бўлинг.

Газетамиз саҳифаларида:

- вилоят хотин-қизлар қўмитаси, вилоятимиз хотин- қизлари ҳаёти ва фаолиятига оид қизиқарли мақолалар;

- жаҳонга машҳур аёллар ҳаёти, ижоди ва фаолиятига оид мақолалар;

- опа-сингилларимизнинг шеър, ҳикоя ва бошқа бадиий ижод намуналари;

- пазандалик, орасталик сирлари ва маслаҳатлар;

- маърифий, тарбиявий мавзулардаги мақолалар;

- ТВ дастурлари;

- шунингдек, турли мавзулардаги ранг-баранг ва қизиқарли мақолалар билан танишиб борасиз.

"Иқбол" - бу Сизнинг газетангиз, у Сизнинг кўнглингизга яқин нашр бўлиб қолишига ишонамиз.

Шу боис, "Иқбол"га обуна бўлишни унутманг!

Обуна почта бўлимлари, матбуот уюшмаси дўконларида ташкил этилмоқда

Бизнинг манзил: Андижон шаҳар, Навоий шоҳкўчаси, 71- уй.

Телефон: +0374 223-05-14

E-mail: Этот адрес электронной почты защищён от спам-ботов. У вас должен быть включен JavaScript для просмотра.

Фотогалерея