Ватанда туғилган неча шоирлар,

Тамал тошин қўйган кўҳна заминга.

Нодира, Чўлпону Мирзо Бобурлар,

Яратган боғлари ўхшар чаманга.

Бирма-бир уларни айласам таъриф,

Тенг бўлолмас, ҳатто улуғ тоғлар ҳам.

Кўплари ёш кетди, кўплари ғариб,

Шеърлари гўёки гавҳар-ёқут шам.

Муҳаммад Юсуфдек асл шоирлар,

Туғилади яна сенинг бағрингда.

Туғилади тенгсиз Усмон Носирлар,

Зулфия - улғаяр беланчагингда.

Олис ўтмишингга назар соламан,

Қадим довон ошган бу мумтоз баёт.

Сенинг қучоғингда илҳомланаман,

Бизга аталгандир асли бу ҳаёт.

Ферузабону Маткаримова, Улуғнор тумани.