+0374 223-85-48
Андижон шаҳар, Навоий шоҳкўчаси, 71- уй

Янгиликлар

  • 30 Нояб 2023
    Банк коррупциядан холи соҳага айланадими?
    Тадбир “Ўзмиллийбанк” АЖ Андижон вилояти бошқармасида бўлиб ўтган “Очиқ эшиклар куни” тадбирида ана шу савол ва коррупцияга қарши курашиш билан боғлиқ қатор масалалар хусусида атрофлича…
  • 12 Июль 2023
    Тарғибот ишлари кучайтирилмоқда
    Ўзбекистоннинг янги конституциясида инсоннинг ҳуқуқи, шаъни ва қадр-қиммати олий қадрият сифатида белгилаб қўйилди. Ҳар кандай жамият бахтли келажакка интилгани каби Ўзбекистон ҳам ўзининг тарихий тажриба…
  • 14 Июль 2023
    Фаол аёллар беллашишди
    Танлов Марҳамат тумани Ўқчи маҳалласидаги 29- умумтаълим мактабида фаол қизлар иштирокида "Балли, қизлар!" кўрик-танлови ўтказилди. Тумандаги 2- секторга қарашли маҳаллалардан қатнашган етти нафар қиз пазандалик,…
Газетамизнинг янги сони сизга манзурми?
  • Ovozlar: (0%)
  • Ovozlar: (0%)
  • Ovozlar: (0%)
Jami ovozlar:
Birinchi ovoz:
Oxirgi ovoz:

Юракка кўмилар асл шоирлар

26 апрель - Ўзбекистон Халқ шоири Муҳаммад Юсуф таваллуд топган кун

Ўзбек халқининг улуғ шоирлари жуда кўп. Кўплаб эл ардоғидаги шоирларнинг    шеърлари юрак-юракларимиздан жой олган. Ана шундай эъзоз топган ижодкорлардан бири Ўзбекистон халқ шоири Муҳаммад Юсуфдир.

Шеър ёзишга,  адабиётга қизиққан инсон борки, Муҳаммад Юсуф шеъриятига назар ташлайди. Мен ҳам болаликдан Муҳаммад Юсуф шеърлари билан улғайганман. Ҳатто, ҳали ҳарф танимаган кезларимда "Райҳон ҳидларингни йўлларимга сеп"ни шеърини бир неча қаторини ёд олиб айтиб юрардим. Ўша пайтданоқ шоирнинг мухлисасига айланганман.

 Бугун  шоир номини эшитмаган, ҳеч бўлмаганда унинг қўшиққа айланган   шеърларини ҳиргойи қилмаган юртдошимиз бўлмаса керак.  Муҳаммад Юсуф улуғ ижодкор, халқ дардини куйлаган шоир эди. У ўз миллатини,  Ватанини, унинг ҳар бир гиёҳини ҳатто, хасини ҳам ўзидан-да ортиқ суярди. Бу унинг шеърларида ўз ифодасини топган:

О, ота маконим, онажон ўлкам,

Ўзбекистон, жоним тўшай соянгга.

Сендек меҳрибон йўқ,

сенингдек кўркам,

Римни алишмасман бедапоянгга.

Кўп шоирларнинг Ватанни улуғлаб, кўкларга кўтарган шеърлари бор. Уларни ўқиганмиз, афсуски, ўша шеърларнинг кўпчилиги кўп ўтмай ёдимиздан кўтарилади. Лекин "Парижнинг энг гўзал ресторанларин битта тандирига алишмаган" шоирнинг Ватан, Она юрт ҳақидаги содда, равон ва қалбга яқин шеърлари юрак-юракларимизгача кириб борган, мустаҳкам жой олган. 

Шоир ҳаёти давомида машҳурликка интилмади, машҳурликнинг ўзи уни топиб келди. Одатда, хоҳ шоир, хоҳ бошқа соҳа вакили бўлсин эл-юрт равнақи йўлида улкан хизмат қилган инсонларга ҳайкал ўрнатилади. Ҳайкални кўриб, ўша инсонни хотирлайдилар, унинг эзгу амалларини ёдга оладилар. Назаримда, Муҳаммад Юсуф ўз ҳайкалини шеърлари орқали миллионлаб инсонлар қалбига ўрнатиб кетгандек... Самимияти, халқ дилига яқинлиги билан қалблардан мустаҳкам жой олган унинг шеъриятини асло унутиб бўлмайди. Аксинча, йиллар ўтгани сайин улуғвор бўлиб бораверади. Ёшу қарини бирдек мафтун этган ана шу   шеърлар йиллар ўтса-да, тиллардан тилларга, диллардан дилларга кўчиб бораверади.

М. НОСИРОВА, АДУ талабаси.