+0374 223-85-48
Андижон шаҳар, Навоий шоҳкўчаси, 71- уй

Янгиликлар

Газетамизнинг янги сони сизга манзурми?
  • Ovozlar: (0%)
  • Ovozlar: (0%)
  • Ovozlar: (0%)
Jami ovozlar:
Birinchi ovoz:
Oxirgi ovoz:


ОНАМ, ДЕЯ БОШ ЭГИБ ОЁҒИНГНИ ЎПАМАН

Саҳроларда сарғайган гиёҳингни ўпаман,

Одам ато яралган тупроғингни ўпаман.

Сени севмоқ мушкулдир, соғингум ҳар нафасда,

Ширин дардимсан, Ватан, қийноғингни ўпаман.

 

Икки дарё қаърига ғарқ бўлса гар ҳисларим,

Муаззамим, ул икки қароғингни ўпаман.

Яссавию Нақшбанд ҳикматларин олиб ёд,

Машраб бобо, жандаю кулоҳингни ўпаман.

 

Темур бобом севган юрт ҳар қадами мукаррам,

Куброларинг тик тутган байроғингни ўпаман.

Сенда кечмиш шарафли, гоҳо мунгли савдолар,

Бобур кетар чоғдаги титроғингни ўпаман.

 

Бошим осмон, ғурур-ла, сурур-ла олдим қалам,

Онам, дея бош эгиб оёғингни ўпаман.

 

 

Гуллола  ТОFАЕВА