+0374 223-85-48
Андижон шаҳар, Навоий шоҳкўчаси, 71- уй

Янгиликлар

  • 30 Нояб 2023
    Банк коррупциядан холи соҳага айланадими?
    Тадбир “Ўзмиллийбанк” АЖ Андижон вилояти бошқармасида бўлиб ўтган “Очиқ эшиклар куни” тадбирида ана шу савол ва коррупцияга қарши курашиш билан боғлиқ қатор масалалар хусусида атрофлича…
  • 12 Июль 2023
    Тарғибот ишлари кучайтирилмоқда
    Ўзбекистоннинг янги конституциясида инсоннинг ҳуқуқи, шаъни ва қадр-қиммати олий қадрият сифатида белгилаб қўйилди. Ҳар кандай жамият бахтли келажакка интилгани каби Ўзбекистон ҳам ўзининг тарихий тажриба…
  • 14 Июль 2023
    Фаол аёллар беллашишди
    Танлов Марҳамат тумани Ўқчи маҳалласидаги 29- умумтаълим мактабида фаол қизлар иштирокида "Балли, қизлар!" кўрик-танлови ўтказилди. Тумандаги 2- секторга қарашли маҳаллалардан қатнашган етти нафар қиз пазандалик,…
Газетамизнинг янги сони сизга манзурми?
  • Ovozlar: (0%)
  • Ovozlar: (0%)
  • Ovozlar: (0%)
Jami ovozlar:
Birinchi ovoz:
Oxirgi ovoz:

03 Нояб 2016

ЎҚИТУВЧИЛАР ИНГЛИЗ ТИЛИНИ ЎРГАНМОҚДА

(45-сон, 2016 й)

Бугунги кунда мамлакатимизда хорижий тилларни ўрганиш масаласига алоҳида эътибор қаратилмоқда. Ўзбекистон Республикаси Президентининг 2012 йил 10 декабрдаги "Чет тилларини ўрганиш тизимини янада такомиллаштириш чора-тадбирлари тўғрисида"ги қарори бу борадаги ишларни юқори босқичга кўтаришда муҳим дастуриламал бўлиб хизмат қилмоқда.

Ушбу қарор асосида вилоятдаги олий ўқув юртларида педагог-ўқитувчиларнинг инглиз тилини ўрганишларига кўмаклашувчи курслар ташкил этилган. Хусусан, Андижон давлат тиббиёт институтида ҳам ана шундай курс самарали фаолият кўрсатмоқда.

Институт ўқитувчилари режа асосида мазкур курсга жалб этилмоқда. Инглиз тили кафедрасининг малакали мутахассислари томонидан ўтказилаётган машғулотлар ўқитишнинг илғор технологиялари, интерфаол усуллар, соддалаштирилган дастурлар асосида олиб борилмоқда. Бу албатта, ўқитувчиларимизнинг инглиз тилини ўзлаштириш, сўзлашиш бўйича муайян билимларни эгаллашларига яқиндан ёрдам бермоқда.

Яқинда курс ўқув машғулотларининг биринчи босқичи якунига етди. Илк босқич сарҳисоби сифатида инглиз тилида шоу-дастур ўтказилди. Тадбир доирасида   курсда таҳсил олган ўқитувчилар уч гуруҳга бўлиниб, тўрт шарт бўйича  ўзаро беллашдилар.

Андижон давлат университетининг инглиз тили фонетикаси кафедраси мудири Жасурбек Эгамбердиев, Андижон шаҳридаги "Rise up" ўқув маркази ўқитувчиси Раҳматилло Султонов, тиббиёт институти проректори Баҳромжон Абдуллажоновдан иборат ҳакамлар ҳайъати иштирокчиларнинг чиқишларини баҳолаб бордилар.

Тадбир якунида барча иштирокчиларга Андижон давлат тиббиёт институти бошланғич касаба уюшма ташкилотининг эсдалик совғалари ҳамда курс машғулотларининг 2- босқичига йўлланмалар топширилди.

 

Ирина МАТВЕЕВА,

Андижон давлат тиббиёт институтининг  инглиз тили кафедраси  ўқитувчиси.