Версия для печати
03 Дек 2021

СЎЗЛАРИ АЪЛО, ДОРИСИ ДАВО ШИФОКОРЛАР

Автор
Маколани бахоланг
(2 Овоз)

Миннатдорчилик

Биз ўқитувчимиз. Биз педагоглар ўқувчиларимизга таълим-тарбия берарканмиз, уларга ўз фарзандларимиздек меҳр беришга ҳаракат қиламиз. Уларнинг беғубор болаликка хос ширин ташвишлари, қувонч ва ютуқларига шерик бўламиз. Устоз сифатида шогирдларимиз камолидан қувониб, руҳланамиз. Ўз устимизда кўпроқ ишлашга, янада изланишга ҳаракат қиламиз. Лекин, шундай пайтларда бемаврид келган кутилмаган касаллик саломатлигимизга соя солиши, меҳнат фаолиятимизни чеклаб қўйиши ҳам мумкин экан.

Яқинда шундай бўлди. Кутилмаганда соғлигимизда муаммолар пайдо бўлишни бошлади. Тез-тез қон босимимиз кўтарилиб, юрагимизга ўз таъсирини кўрсатди. Қолаверса бўғимларимизнинг толиқиб оғриши, умумий холсизликдан ҳам безовта қиларди. Соғлигимиздаги бу кутилмаган салбий ҳолатлар бизни қарийб 30 йиллик педагоглик фаолиятимизни чеклаб, шифокорларга мурожаат қилишимизга ва қатъий даволанишга ундади.

Бир танишимизнинг тавсияси билан ҳамкасб дугонам иккимиз биргалашиб Андижон шаҳридаги “Садоқат кошонаси” шифохонасига етиб келдик. Шифохонага кириб борган пайтимизда аҳволимиз жуда ёмон эди. Бу ерда бизни шифохона бош шифокори кардиолог-терапевт Давронбек Раҳимов ҳамда невропатолог-нейрохирург Дилшодбек Исанов, Ойбек Исоновлар кутиб олдилар. Улар тиббий таҳлиллардан сўнг бизни аниқ ташхислар асосида даволашни бошладилар. Ҳамширалар Севарахон Қодирова, Гулшаной Абдурасулова, Санобархон Мирзаеваларнинг ширин сўзлари, шифобаҳш дори-дармонлари ва физиотерапия муолажалари билан, ҳам танимизни, ҳам қалбимизни дарддан халос этдилар. Бундан ташқари шифохонада тоззалик учун масъул санитария ходимлари Жаннатхон Ибайдуллаева, Наргизахон Камоловалар атрофни саранжомлаш ишлари билан кўнгилларимизга ёруғлик олиб кирдилар. Бош шифокор Давронбек Раҳимов бошчилигидаги шифохона меҳнат жамоаси жуда ҳам аҳил экан. Улар бизни тезроқ оёққа туришимиз учун ҳаракат қилдилар. Шу боис саломатлигимизни тиклаб, қаддимизни тик тутишга, яна меҳнат фаолиятимизга қайтишимизга сабабчи бўлган бу шифокорлардан доимо миннатдормиз. Доимо соғ-омон бўлсинлар. Халқ саломатлиги йўлидаги машаққатли аммо, шарафли меҳнат фаолиятларида ҳеч қачон чарчамасинлар.

Нодирахон МАТҲОЛИҚОВА,

Гулчеҳрахон МАМИРАЛИЕВА,

Бўстон тумани

 

Суратда: Бош шифокор Давронбек Раҳимов ҳамкасблари билан.

Прочитано 704 раз Последнее изменение 03 Дек 2021
iqbol

Последнее от iqbol